Күннээҕи гороскоп: муус устар 25 күнэ

Саас салгын биллэн, айылҕа уһуктан эрэр кэмигэр субуота күн сулустар маннык сүбэлииллэр.

Хой

Субуота күн эн эрчимнээххин. Сааскы салгыҥҥа тахсан тиэргэҥҥин, даачаҕын көрөргөр-истэргэр, хаар-муус ыраастыыргар олус табыгастаах. Дьиэ кэргэҥҥин эбэтэр доҕотторгун кытта айылҕаҕа тахсан сынньанаргар, үөрэ-көтө алтыһаргар туох да мэһэйдээбэт. Былааннаабыт дьыалаҥ барыта сатаныа.

Оҕус

Бүгүн чугас дьоҥҥун кытта чуумпутук, дьиэҕэ-уокка олорон сынньанарыҥ ордук. Субуота күн минньигэс ас астаан аймахтаргын, дьоҥҥун күндүлээн санааларын көтөҕүөҥ. Сааскы үлэ-хамнас (тыаҕа, даачаҕа) ороскуотун суоттанан, үп-харчы өттүн сааһыланан толкуйдуурга табыгастаах кэм.

Игирэлэр

Бүгүн дьиэҕэ олорбоккун. Аймахтаргар, доҕотторгор ыалдьыттыырга, куорат эбэтэр нэһилиэк уулуссаларынан хаамарга, саҥа сонуну истэргэ олус бэрт күн. Эн сэргэх кэпсээҥҥиттэн дьон сэргэхсийиэ, ким эрэ эйигиттэн олус наадалаах сүбэни ылыаҕа. Истиҥ сыһыан инники күөҥҥэ тахсыа.

Араак

Дьиэҕэ-уокка сааскы хомууру, түннүк сууйуутун саҕалыыргар саамай тоҕоостоох — субуота. Бу күн эн үтүө, сымнаҕас майгыҥ чугас дьоҥҥор олус наада буолуо. Киэһэтин итии чэй иһэ-иһэ дуоһуйа кэпсэтэриҥ дууһаҕын уоскутуо, күүс эбиэ.

Хахай

Бэйэҥ эрэллээх уонна көхтөөх майгыгынан бүгүн дьон болҕомтотун киинигэр сылдьыаҥ. Доҕотторгун эбэтэр дьиэ кэргэҥҥин мунньан айылҕаҕа тахсарга, шашлыктыырга эбэтэр бултуу, балыктыы барарга бэлэмнэнэргэ сүрүн көҕүлээччи буолуоҥ. Бүгүҥҥү күҥҥүн үөрүү-көтүү эрэ арыаллыа.

Кыыс

Бүгүҥҥү өрөбүлгүн доруобуйаҕар уонна бэйэҥ туруккар анаа. Үлэни барытын биирдэ бүтэриэм диэн сүүрүмэ-көтүмэ, кыратык тохтоон сынньан. Дьиэҕэ олордуллар сааскы арассаадаҕын көрөргөр, дьиэ үлэтин наҕыллык үллэстэн оҥороргор табыгастаах күн. Кэлин үлэҕэр көмөлөһөр саҥа идиэйэлэр киириэхтэрэ.

Ыйааһын

Дууһаҥ кэрэни, сырдыгы көрдүүр күнэ. Дьону кытта иллээх-эйэлээх сыһыан бүгүн муҥутуурдук үрдүө. Табаарыстаргын кытта көрсөргө, сааскы күн уотуттан дуоһуйарга бэртээхэй субуота. Иис-уус, тиэхиньикэ өрөмүөнэ эбэтэр сөбүлүүр дьарыккар бириэмэҕин аныырыҥ санааҕын көтөҕүө.

Скорпион

Ис туругуҥ, дьону өйдүүр дьоҕуруҥ олус күүстээх. Тиэргэҥҥэ муус-хаар ыраастыырга, эбэтэр урукку сатамматах дьыаланы тиһэҕэр тиэрдэргэ күүһүҥ-уоҕуҥ толору тиийиэ. Ким эрэ эн көмөҕөр, сытыы өйгөр улаханнык наадыйыан сөп, онон сүбэҕин-амаҕын харыстаама, дьоҥҥо көмөлөс.

Охчут

Өрөбүл күн айаҥҥа турунарга, чугас улууска эбэтэр эбэҕэ тахсарга ыҥырар. Сааскы бултка-балыкка, куска тэринэргэ эбэтэр окко-маска сылдьарга былаан оҥосторуҥ сатаныа. Эн күлүүҥ-салыыҥ, көрдөөх кэпсээниҥ тулалыыр дьонуҥ сүргэтин көтөҕүө. Сонун дьыаланы саҕалыыртан толлума.

Чубуку

Субуота күн дьиэ кэргэн дьыалатыгар, аҕам саастаах дьоҥҥо, төрөппүттэргэр көмөлөһөргө ананара ордук. Даачаҕа, тиэргэҥҥэ кэлэр сайыҥҥы тутууну былаанныырга, матырыйаал ааҕарга-суоттуурга ситиһиилээх буолуо. Эн эппиэтинэстээх уонна кыһамньылаах үлэҥ чугас дьоҥҥор эрэли үөскэтиэ.

Күрүлгэн

Дьон-сэргэ ортотугар сылдьарга, уопсастыбаннай үлэҕэ (холобур, таһырдьа субуотунньукка) кыттарга олус тоҕоостоох күн. Саҥа дьону кытта билсиэххин сөп. Эн сонумсах, ураты көрүүҥ дьоҥҥо сэҥээриини ылыаҕа, дьону түмэр дьоҕургун бу субуотаҕа толору туһан.

Балыктар

Бүгүн улахан саҥалаах-иҥэлээх, айдааннаах дьонтон тэйиччи, чуумпутук сынньанарыҥ ордук. Бэйэҥ санааҕын сааһыланаргар, кэрэни айаргар табыгастаах күн.  Айылҕа уһуктан эрэр кэмин кэтээн көрөн, сандал сааскы күннээх салгынынан таһырдьа хааман чэбдигириэҥ, инникигэ былааҥҥын оҥостуоҥ.