Күннээҕи гороскоп: от ыйын 11 күнэ

Субуотаҕа сулустар дьону кытта алтыһарга, саҥаны көрөргө-истэргэ уонна көхтөөх сынньалаҥҥа олус табыгастаах туругу бэлэхтииллэр.

Хой

Бу күнү дьиэҕэ олорон атаарымаҥ. Айылҕаҕа тахсарга эбэтэр успуордунан дьарыктанарга олус үчүгэй кэм. Энергияҕыт таһымнаах буолуо.

Оҕус

Дьиэ кэргэҥҥитин кытта бириэмэни атаарарга туһаайыҥ. Дьиэ-уот үлэтин үөрүүнэн оҥоруоххут, оттон киэһэтин минньигэс астаах остуол тула чугас дьоҥҥутун кытта иллээхтик кэпсэтиэххит.

Игирэлэр

Доҕотторгутун кытта көрсүһүү эбэтэр соһуччу үтүө сонуннары истии күүтэр. Күнүстэри-түүннэри төлөпүөнүт тырылаан олоруо – болҕомто киинигэр буолуоххут.

Араак

Бэйэҕитигэр болҕомтону ууруҥ. Сөбүлүүр малгытын атыылаһарга, маҕаһыыннарынан сылдьарга эбэтэр тас көрүҥҥүтүн тупсарарга олус табыгастаах күн.

Хахай

Иэйии уонна таптал күнэ. Дьон хараҕар хайҕатыаххыт, үтүө тыллары истиэххит. Тапталлааххытын кытта киэһэни бииргэ атаарыҥ.

Кыыс

Олоххутугар, дьиэҕитигэр-уоккутугар бэрээдэги олохтуурга үчүгэй күн. Ол эрээри, үлэнэн муҥурдаммака, эти-хааны чэбдигирдэр хамсаныылары оҥороргутун умнумаҥ.

Ыйааһын

Ил-эйэ уонна кэрэни кэрэхсээһин күнэ. Айар үлэнэн дьарыктанарга эбэтэр ускуустуба эйгэтигэр (киинэҕэ,тыйаатырга, быыстапкаҕа) сылдьарга сүбэлииллэр.

Скорпион

Интуицияҕыт олус күүһүрүө. Уруккуттан толкуйдуу сылдьыбыт боппуруоскутугар быһаарыы булуоххут. Былааннары оҥороргутугар саамай сөптөөх кэм.

Охчут

Айаннарга, айылҕаҕа эбэтэр даачаҕа тахсарга сулустар ыҥыраллар. Саҥа сирдэри көрүү-истии эһиэхэ күүс-уох, саҥа санаалыары эбиэҕэ.

Чубуку

Үлэ туһунан санаалары умнуҥ. Бу күнү тапталлааххытыгар эбэтэр оҕолоргутугар анааҥ. Истиҥ сыһыан эһиги дууһаҕытын уоскутуо.

Күрүлгэн

Саҥа санаалар, сонун идиэйэлэр кутуллуохтара. Сөбүлүүр дьарыккытынан умсугуйан туран дьарыктанарга олус үчүгэй күн.

Балыктар

Дууһа сынньалаҥын көрдөөҥ. Чуумпуга олорон кинигэ ааҕарга эбэтэр муускуа истэргэ туһаайыҥ, ис туруккутун болҕойон истиҥ.