Күннээҕи гороскоп: от ыйын 25 күнэ

Сайыҥҥы үлэ-хамнас күөстүү оргуйар кэмэ. От үлэтэ, сир аһын хомуурун, балыктааһын саамай үгэнэ. Сулустар бу күн Саха сирин олохтоохторугар тугу түстүүллэрий?

Хой

Бүгүн эрчимнээх күн күүтэр. Тыа сиригэр от үлэтигэр сылдьар дьоҥҥо олус табыллыа, былааннаабыт үлэҕитин  толоруоххут. Оттон куорат олохтоохторо айылҕаҕа тахсан, көхтөөхтүк сынньаналлара сүбэлэнэр. Сүрүнэ – тулалыыр дьоҥҥутун кытта тыл-тылга киирсимэҥ, кыыһырымаҥ.

Оҕус

Бу күн харчыга уонна баайга-дуолга сыһыаннаах боппуруостар быһаарыллыахтара. Тыаҕа тахсан сир аһын хомуйарга табыгастаах кэм. Дьиэ кэргэҥҥитин кытта бииргэ буолуҥ, киэһэтин холумтан тула истиҥник сэһэргэһиҥ.

Игирэлэр

Иһитиннэрии, сонун арааһа киириэ. Төлөпүөнүҥ күн устата тырылыыр күнэ буолуо. Доҕотторгутун, аймахтаргытын кытта көрсөргө үчүгэй күн. Ол эрээри, араас хоп-сип кэпсээҥҥэ кииримэҥ, дьон тылыгар киирэн быһаарыыны ылынаргытыттан туттунуҥ.

Араак

Чугас дьоҥҥут болҕомтону эрэйэллэр. Бүгүн дьиэ-уот үлэтин хамаанданан оҥорор ордук. Өрүс, күөл кытылыгар сынньанарга, балыктыырга олус табыгастаах күн. Уу эһиэхэ саҥа күүһү-уоҕу бэлэхтиэҕэ. Дууһаҕыт туругун харыстааҥ, уоскулаҥҥа тардыһыҥ.

Хахай

Бэйэҕитин дьоҥҥо-сэргэҕэ көрдөрөр, дьаһайар кэмҥит кэллэ. Түмсүүлэргэ, тэрээһиннэргэ эһиги тылгыт ыйааһыннаах буолуо. Салайар үлэҕэ ситиһии күүтэр. Сайыҥҥы чаҕылхай күн уота эһиги ис күүскүтүн уһугуннарар, онон саҥа саҕалааһыннартан толлумаҥ.

Кыыс

Доруобуйаҕытыгар, чуолаан аһылыккытыгар болҕомтото ууруҥ. Сайыҥҥы итиигэ сэрэхтээх буолуҥ. Тиэргэн үлэтин бэрээдэктииргэ, оҕуруот аһын көрөргө-харайарга табыгастаах күн. Ыксаабакка, барытын сүүс төгүл толкуйдаан баран оҥоруҥ.
Ыйааһын

Сөбүлэһии, иллээх буолуу уонна таптал күнэ. Тапталлааххытын кытта бириэмэҕитин атаарыҥ, айылҕаҕа хаамсыҥ. Өскөтүн кимниин эрэ өйдөспөт буолуу баар буоллаҕына, бүгүн эйэлэһэргэ саамай сөптөөх кэм. Мөккүөртэн уонна тыл-тылга киирсимэҥ.

Скорпион

Бүгүн эһиги ис туруккут олус күүстээх буолуо. Мунаахсытар боппуруостарга сүрэххит тугу этэрин истэн быһаарыҥ. Саҥа сүүрээннэргэ, уларыйыыларга бэлэм буолуҥ. Үлэҕитигэр соһуччу, гынан баран үчүгэй сонуннары истиэххитин сөп.

Охчут

Ыраах айан, саҥаны билии күнэ. Атын улууска эбэтэр айылҕаҕа ыраах сиргэ айанныыр санааҕытын олоххо киллэриҥ. Айан-сырыы олус ситиһиилээхтик ааһыаҕа. Билбэт дьоҥҥутун кытта уопсай тылы түргэнник булуоххут, саҥа доҕоттордоох буолуоххутун сөп.

Чубуку

Үлэҕэ-хамнаска улахан ситиһии күүтэр. Ол эрээри, барытын үлэҕэ эрэ анаабатаххытына табыллар. Саха сирин сайына кылгас, онон бу күннэри куоттарбакка, үлэни уонна сынньалаҥы дьүөрэлиэххитин наада. Киэһэтин чугас дьоҥҥутун кытта остуол тула олорон сэһэргэһиҥ.
Күрүлгэн

Соһуччу көрсүһүүлэр уонна сонун идиэйэлэр киириэхтэрэ. Айар куттаах дьоҥҥо (суруйааччыларга, худуоһунньуктарга, уран тарбахтаахтарга) олус табыллыа. Тулалыыр эйгэҕитин уларытыаххытын баҕарыаххыт – дьиэҕитин өрөмүөннүүргэ эбэтэр көһөргө табыгастаах күн.

Балык

Эһиги бүгүн олус сэргэх, аһыныгас буолуоххут. Дьоҥҥо үтүөнү оҥоруҥ, көмөлөһүҥ – ол эһиэхэ уон төгүлүнэн төннүөҕэ. Сарсыарда эрдэ туран айылҕаҕа сэргэхсийиҥ, сиккиэр тыалы, сарсыардааҥҥы сииги билэн дууһаҕытын уоскутуҥ. Бытархай кыһалҕалары чугастык ылынымаҥ!