Күнүһүн +27…+32С° кыраадыс куйаас

Бэс ыйын 23 күнүгэр хотугулуу-илиҥҥи улуустарга, Өлүөнэ алын тардыытынан, соҕуруу быстах ардахтыыр, сорох сиринэн этиҥнээх ардах, хотугулуу-илиҥҥэ самыыр түһүөҕэ. Бу туһунан синоптиктар УГМС саайтыгар иһитиннэрэллэр.

Киин улуустарга сорох сиринэн быстах ардах күүтүллэр. Тыала орто, этиҥнээх ардах кэмигэр, хотугулуу-илиҥҥ, Арктика кытылыгар 16-21 м/с тиийэ күүһүрүө.

Салгын температурата түүнүн +10…+15°, хотугулуу-арҕаа, хотугулуу-илиҥҥэ +5…+10°, Арктика кытылыгар 0…+5°; күнүһүн +27…+32°, ардахтаахха +20…+25°, хотугулуу-арҕаа, хотугулуу-илиҥҥэ +15…+20° кыраадыс сылаас буолуо.

Дьокуускайга түүнүн салгын температурата +12…+14°, күнүһүн +28…+30°. Түүнүн кыралаан ардахтыыр, күнүһүн ардаҕа суох. Тыал хотугулуу-арҕааттан сөкүүндэҕэ 3-8 миэтэрэ, намыһах сирдэргэ 9-14 м/с тиийэ күүһүрүө.