Кытайга Арсеньев аатынан “Уһук Илин” бириэмийэ ахсыс сезонун билиһиннэрдилэр

Кытайга Арсеньев аатынан «Уһук Илин» бириэмийэ ахсыс сезона биллэрилиннэ. В.К. Арсеньев аатынан Бүтүн Арассыыйатааҕы литературнай бириэмийэни  билиһинэрии Пекиҥҥэ 32-с норуоттар икки ардыларынааҕы кинигэ дьаарбаҥкатыгар буолла.

Кытай литератураҕа  уонна филологияҕа эйгэтин бэрэстэбиитэллэрэ, ол эбэтэр бииргэ үлэлэһээччилэр билиһиннэрии кэмигэр уонна дьаарбаҥкаҕа сылдьан, бириис билигин икки доҕордуу дойду «норуот дипломатиятыгар» уонна уопсай гуманитарнай бииргэ үлэлээһинҥҥэ үчүгэй холобур буоларын хаста да бэлиэтээн эттилэр.

В.К. Арсеньев аатынан “Уһук Илин”   Бүтүн Арассыыйатааҕы судаарыстыбаннай литературнай бириэмийэ  РФ бырабыыталыстыбатын бэрэссэдээтэлин солбуйааччы — Уһук Илиҥҥи федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев көҕүлээһининэн тэриллибитэ.

Бириэмийэни олохтуур тэрийэр кэмитиэт модератордарынан  бириэмийэ куратора Роман Косыгин уонна лингвист, филология  билимин доктора, бэрэпиэссэр, Чанчунь университетын омук тылларыгар институтун дириэктэрэ, бириэмийэ  сэттис сезонун  дьүүллүүр сүбэтин  чилиэнэ Ван Цзиньлин буоллулар.

Санатан эттэххэ, В.К. Арсеньев аатынан Бүтүн Арассыыйатааҕы литературнай бириэмийэ  ахсыс сезонугар сайаапканы биэрии хампаанньата бэс ыйын 30 күнүгэр түмүктэнэр.

Арсеньев аатынан литэрэтииринэй куонкуруска Арассыыйа уонна омук сирдэрин ааптардара нууччалыы суруллубут, Уһук Илин  уруккутун, билиҥҥи эбэтэр кэлэр кэмин көрдөрөр уус-уран уонна документальнай проза айымньыларынан кытталлар.

СӨ Ил Дарханын уонна бырабыыталыстыбатын пресс-сулууспата