“Луҥха долгуннара” түмсүү субуотунньуктаата

Кэбээйи улууһун Куокуй нэһилиэгэр «Луҥха долгуннара» түмсүү көхтөөхтүк үлэлиир.

Ол курдук, ыам ыйын 18 күнүгэр диэн Луҥха үрэх үрдүгэр турар «Сарыал»  сынньалаҥ искибиэригэр Ньургуһун күнүн көрүстүбүт.

Пионер күнүгэр биһиги түмсүүбүт чилиэнэ, Анна Степановна Павлова салайар 8 кылааһын үөрэнээччилэрин кытта субуотунньукка таҕыстыбыт. Урукку дьааһыла-уһуйаан учаастагын ыраастаатыбыт. Ол сылдьан оҕолорго пионерия, Ийэ дойдуларыгар бэриниилээх, эрэллээх, үлэһит оҕолор — пионердар бэйэлэрин дьыалаларын субуотунньуктан саҕалаабыттарын кэпсээтибит. Оҕолору волонтердар кэккэлэригэр ылан, биһиги үлэбитин салгыыр эдэр көлүөнэ баар буолла.

Полина Борисова, “Луҥха долгуннара” түмсүү салайааччыта.