Магнитнай буурҕалар тохтооботтор…

Кэнники күннэргэ  күн-дьыл уларыйыытыттан эрэйдэнэр дьон уот ортотугар олорор курдук сананаллар. Бэс ыйын 4, 5 уонна 6 күннэригэр магнитнай буурҕалар тохтообокко түстүлэр. Уоскуйар эрдэ — иннибитигэр өссө хас да кутталлаах күн күүтэр. Бэс ыйын 7 күнүгэр геомагнитнай турук хайдах буолуоҕун уонна саҥа охсуулары күүтэбит дуу, суох дуу.

Күн астрономиятын лабораториятын дааннайынан, бэс ыйын 7 күнүгэр геомагнитнай турук этэҥҥэ буолуоҕа. Магнитосфера уоскулаҥнаах буолуон сөбө — 63%, күүрүүлээх — 30%. Долгуйуу таһыма 2-3,5 баал иһинэн хамсыа диэн күүтүллэр. Күнүс 3,5 баалга диэри тахсыан сөп, бу көннөрү таһымтан үрдүк эрээри, уопсайынан турук уоскулаҥ. Ap индекс 10, F10.7 көрдөрүү — 140 буолуо.

Бэс ыйын 8 күнүгэр геомагнитнай хамсааһын намтыа — 2,5 баал кэриҥэ күүтүллэр. Бэс ыйын 9 уонна 10 күннэригэр 2 баал буолуо диэн сабаҕалыыллар. Оттон 11 уонна 12 күннэригэр эмиэ магнитнай буурҕалар буолуохтара: бэс ыйын 11 күнүгэр — 6 баалга диэри (орто буурҕа, кыһыл таһым), 12 күнүгэр — 5 баал (мөлтөх буурҕа,  эмиэ кыһыл таһым). Бэс ыйын 13 күнүгэр күүрүүлээх магнитосфера күүтүллэр — 4 баал, араҕас таһым.

Бэс ыйын 13 күнүн кэнниттэн сабаҕалааһын этэҥҥэ буолуо диэн көрдөрөр, ол эрээри сабаҕалааһын икки хонуктан ордук кэмҥэ сөп түбэспэтин уонна турук соһуччу уларыйыан сөбүн умнуо суохха наада.

Кардиолог Марина Орлова этэринэн, доруобай дьон үксүн геомагнитнай долгуйуулары бэлиэтии көрбөттөр диэн быһаарда. Оттон доруобуйалара мөлтөх эбэтэр ыарыһах киһи организма маны ыар истириэс быһыытынан ылынар.

Буурҕалар ньиэрбэ систиэмэтигэр дьайан, үлэтин кэһэллэр. Ол түмүгэр — тымыр ыгыллар, хаан баттааһына хамсыыр, төбө эргийэр. Ону таһынан, геомагнитнай хамсааһыннар кэмнэригэр мелатонин гормона аҕыйыыр. Түмүгэр — киһи утуйбат, ньиэрбинэйдиир буолар, айманара күүһүрэр. Өссө биир содула — капиллярнай хаан сүүрүүтэ бытаарар, бу тромб үөскүүр кутталын үрдэтэр.