Мэҥэ Хаҥалас улууһугар анал байыаннай дьайыы бэтэрээннэрэ олохтоох оҥорон таһаарааччылары өйүүр соруктаах муһуннулар

Мэҥэ Хаҥалас улууһугар анал байыаннай дьайыы бэтэрээннэрэ “Майа алааһа” тыа хаһаайыстыбатын туһалаах сирдэрин күрүөлээһиҥҥэ уопсастыбаннай субуотунньукка кытыннылар.

“Аҕа дойдуну көмүскээччилэр” пуонда филиалын социальнай сүрүннээччитэ Елена Аммосова көмөлөһүүтүнэн, субуотунньукка 11 байыаннай дьайыы бэтэрээнэ кытынна.

Байыаннай дьайыы бэтэрээнэ, Аҕа дойдуну көмүскүү сылдьан суох буолбут байыас аҕата Евгений Кириллин, бу курдук көҕүлээһиннэргэ кыттыы бэтэрээннэргэ уонна улуус олохтоохторугар улахан суолталааҕын бэлиэтиир.

“Биһиги бүгүҥҥү кыттыгас үлэбит – бу сомоҕолоһуу уонна хардарыта өйөбүл буолуу бэлиэтэ. Биһиги улууспутугар 2026 сыл Олохтоох оҥорон таһаарыы сылынан биллэриллибитэ. Онон биһиги, бэтэрээннэр уопсай дьыалаҕа бэйэбит кылааппытын киллэрэргэ сананныбыт” – диэн кини этэр.

Аллараа Бэстээхтээҕи АБДь бэтэрээннэрин ассоциациятын бэрэссэдээтэлэ Александр Никитин, байыаннай дьайыы кыттыылаахтара уопсастыбаннай олоххо көхтөөхтүк кыттыҥ диэн ыҥырар.

“Бу, уопсай дьыалаҕа биир түмсүүлээхпитин бигэргэтэр өссө биир күнүнэн буоллун. АБДь бары бэтэрээннэрин көхтөөх буолуҥ, биир дойдулаахтаргытыгар көмөлөһүҥ, тэрээһиннэргэ, үтүө дьыалаларга кыттыһыҥ” – диэн кини бэлиэтээтэ. Бу туһунан Ил Дархан уонна Бырабыыталыстыба пресс-сулууспата суруйар.