Национальнай бырайыактар — дьон олоҕор

Арассыыйа олохтоохторун 91%  Арассыыйа национальнай бырайыактарын туһунан билэллэр. Бу бырайыактар олох бары эйгэтин хабаллар, онтон күннээҕи уларыйыылар хас биирдиибитигэр сыһыаннаахтар. Саҥа кыахтар үөскүүллэр, тулалыыр эйгэ уларыйар, олох тупсаҕай, чаҕылхай буолар.

«Дьиэ кэргэн» национальнай бырайыак сүрүн соруктарыгар — оҕолоох ыаллары, элбэх оҕолоох буолууну өйөөһүн, доруобуйаҕа кыһамньы уонна дьиэ кэргэн сыаннастарын бөҕөргөтүү. 2019 сылтан 2024 сылга диэри дойду эрэгийиэннэригэр 2700 оҕо поликлиниката саҥардыллыбыта, онтон хааччыйыы үлэтэ национальнай бырайыак өйөбүлүнэн салҕанар. Национальнай бырайыак дьиэ кэргэҥҥэ туһуламмыт култуура инфраструктуратын тэрийиини эмиэ көрөр. 14-тэн 22-гэр диэри саастаах ыччаттар «Пушкин каартата» бырагырааманан туһаналлар, испэктээккэ, кэнсиэргэ, киинэ тыйаатырдарыгар, музейдарга, быыстапкаларга сылдьаллар. 2019 сылтан 1 мөл. тахса маннык тэрээһин ыытыллыбыта бэлиэтэнэр.

«Ыччат уонна оҕо» национальнай бырайыак ыччат үөрэҕиниитин, профессиональнай таһыма үрдээһинин уонна дойдутун сайыннарарга көхтөөхтүк кыттарын туһугар туһуланар. Номнуо 6500 оскуола саҥардылынна, үлэҕэ уонна туһалаах сынньалаҥҥа туһаайыллыбыт 263 ыччат киинэ үлэлиир, 970-тан тахса ыччат лабораторията аһылынна. Онно эдэр учуонайдар уопуттаах настаабынньыктар салалталарынан чинчийиилэри ыыталлар. Национальнай бырайыак биир сүрүн көҕүлээһининэн орто профессиональнай үөрэхтээһин тиһигин саҥардыыга, үлэ ырыынагын наадыйыыларыгар уонна экэниэмикэ аныгы кыһалҕаларыгар сөп түбэһиннэриигэ туһуламмыт «Профессионалитет» бырагыраама буолар. Билиҥҥи туругунан 1730 «Профессионалитет» кэллиэһэ Арассыыйа 86 эрэгийиэнигэр идэлэрин баһылыырга исписэлиистэри бэлэмнииллэр. Үлэҕэ-хамнаска, профессиональнай бэйэни салайыныыга кыах улаатар. Нэһилиэнньэҕэ дьарыктаах буолуу кииннэрин саҥардыы «Каадырдар» национальнай бырайыагынан салҕанар — дойдуга 1267 аныгы «Работа России» кадровай киин аһыллыбыт.

Дьон олоҕун усулуобуйатын тупсарыыга, нэһилиэнньэлээх пууннары хаачыстыбалаах инфраструктуранан хааччыйыыга уонна Арассыыйа территорияларыгар ситими далааһынныырга «Инфраструктура для жизни» национальнай бырайыак дьаһаллара олоххо күүскэ киирэллэр. Бүгүҥҥү күҥҥэ 80 500 сир-уот тупсарылынна, 2019 сылтан 2025 сылга диэри 195 тыһ.км суол-иис өрөмүөннэммитэ, саҥардыллыбыта уонна тутуллубута. «Көдьүүстээх транспортнай сисиэмэ» национальнай бырайыак айаҥҥа, таһаҕаһы тиэйиигэ кыаҕын кэҥэтэр. Дойду транспортнай тиһигин тэрийиигэ кэлим үлэ чэрчитинэн, 2019 сылтан 36 аэропорт саҥардылынна. «Национальнай приоритеттар» АНО «Что стоит за этим знаком» диэн кэлим реклама хампаанньатын саҕалыыр. Хампаанньа дойдуга киһи күннээҕи олоҕор билэр-көрөр национальнай бырайыактарынан дьиҥнээх уларыйыылары көрдөрөр. Саҥа национальнай бырайыактар тутаах хайысхаларын, хайыы-үйэ оҥоһуллубут үлэни тэлэбиидэнньэҕэ, араадьыйаҕа уонна интэриниэккэ роликтарынан кэпсиир, көрдөрөр, ону таһынан куораттар уулуссаларыгар көрүөххэ сөп.

Бэрэсидьиэн бигэргэппит национальнай бырайыактара Арассыыйа 2030 сылга диэри социальнай-экэнэмиичэскэй сайдыытын бырагырааматын сайыннарыыга уонна олоххо киллэриигэ сыалы-соругу ситиһии сүрүн инструменнарыттан биирдэстэрэ.

Сиһилии: https://www.sakha.gov.ru/news/52282

«Национальные приоритеты» АНО

СӨ Ил Дарханын уонна Бырабыыталыстыбатын пресс-сулууспата