Нам улууһугар норуоттар икки ардыларынааҕы кэтээн көрөөччүлэр бөлөхтөрө кэллэ

Балаҕан ыйын 18 күнүгэр  быыбар хаамыытын кэтээн көрөр сыаллаах норуоттар икки ардыларынааҕы кэтээн көрөөччүлэр Саха сиригэр  кэллилэр.

Олортон биир бөлөх Нам улууһугар айаннаатылар.  Улуус кыраныыссатыгар кинилэри улуус баһылыгын солбуйааччы Юрий Дьяконов көрүстэ.

Экспертэр улуус дьаһалтатыгар  олохтоох салалтаны  кытары  мунньахтыахтара, Нам уонна Хатырык сэлиэнньэлэрин  быыбардыыр учаастактарыгар кэтээн көрүүнү ыытыахтара.

Тас дойдулар исписэлиистэрэ учаастактар тиэхиньиичэскэй сэбилэниилэрин, куоластааһыны тэрийиини уонна быыбардааччыларга усулуобуйаны  сыаналыахтара диэн «Нам улууһа» МТ пресс-сулууспата иһитиннэрдэ