Нам уола Станислав Румянцев Арассыыйа чөмпүйэнээтин призера

Бу күннэргэ Нальчик куоракка устудьуоннар ортолоругар Арассыыйа кикбоксиҥҥа (лоу-кик) чөмпүйэнээтэ түмүктэннэ.

“Олимпик” спортоскуола тириэньэрэ Дмитрий Черноградскай иитэн таһаарбыт кикбоксера  Румянцев Станислав 57 киилэҕэ боруонса мэтээли ылары ситистэ. Бу туһунан Нам улууһун дьаһалтатын пресс-сулууспата иһитиннэрдэ.

«Станиславы  Арассыыйа таһымыгар кыайыытынан  уонна кини тириэньэрэ Дмитрий Черноградскайы дойду призерун иитэн таһаарбытынан эҕэрдэлиибит. Инникитин даҕаны саҥаттан саҥа үктэллэри дабайаргытын  баҕарабыт«,- диэн «Нам улууһа” МО дьаһалтата эҕэрдэтин тириэртэ.