Наркотигы сокуоннайа суох тарҕатан, бөлөх тэрийээччитэ уонна кини курьера хаайылыннылар

Саха сиригэр наркотигы тарҕатар бөлөх тэрийээччитэ уонна кини курьера кытаанах эрэсиимнээх хаайыыга уһун болдьоххо бардылар. Ону таһынан,  27 мөл. солкуобай уонна 10 тыһ. АХШ доллара судаарыстыба туһатыгар былдьанна.

Оперативнай үлэһиттэр буруйу оҥорор бөлөх чилиэннэриттэн барыта 2,6 киилэттэн тахса наркотигы былдьаатылар, ол иһигэр мефедрон, гашиш, ЛСД уонна да атын бобуллубут эттиктэр бааллар.

Суут уурааҕынан, бөлөҕү тэрийбит уонна салайбыт Казань куорат олохтооҕор 17 сылга көҥүлүн быһар бириигэбэр таҕыста. Оттон бөлөххө кыттыспыт, «курьер» оруолун толорбут Нерюнгри куорат олохтооҕо 10 сыл 6 ыйга хаайылынна. Буруйдаахтар иккиэн кытаанах эрэсиимнээх холуонньаҥа ыытылыннылар.

Ону таһынан, сокуоннайа суох дьайыылар (наркотигы атыылааһын) түмүгүнэн киллэриммит дохуоттара — 27 мөлүйүөн солкуобай уонна 10 тыһыынча АХШ доллара — суут бириигэбэринэн судаарыстыба дохуотугар былдьанна.