НЭДИЭЛЭТЭЭҔИ ГОРОСКОП: АТЫРДЬАХ ЫЙЫН 28 – БАЛАҔАН ЫЙЫН 4 КҮННЭРЭ

Хой

Улахан суолталаах нэдиэлэ үүммүт. Ыксаллаах быһыыга-майгыга холкутуу сатаа. Бэйэни сыаналаныы, ылыныы хайа эрэ өттүнэн тургутуу да курдук буолуоҕа.

Оҕус

Хамаанданы кытта үлэҕэ табыгастаах кэм. Дьону кытта уопсай тылы буларга дьулус. Үп-харчы эрэ кыһалҕатынан муҥурданыма.

Игирэлэр

Дьиэ-уот кыһалҕатын, үп-харчы дьыалатын ситиһиилээхтик быһаарыаҥ. Суолталаах дьыаланы оҥорон астыныаҥ.

Араак

Ыраах айаҥҥа турунуу туһунан кэпсэтии буолуоҕа. Дьыалабыай кэпсэтиини бу күннэргэ уталытар наада. Дьоҥҥо харчы иэс биэрэртэн туттун.

Хахай

Доруобуйаҕын көрдөрүнэргэр, бэрэбиэркэлэнэргэр тоҕоостоох кэм. Битэмиин иһии, салгыҥҥа сылдьыы туһалаах буолуоҕа. Чугас дьоҥҥун кытта өйдөспөт түгэни күөртээмэ, холкутук сырыт.

Кыыс

Үтүө кэм саҕаламмыт. Оҕолор ситиһиилэрэ үөрдүө. Ол эрээри бэйэҥ тус кимҥин өйдүүргэр, ылынаргар сааһыланыы наада буолбут. Аҥаардас оҕолор эрэ үөрүүлэринэн олорор тутах.

Ыйааһын

Чугас дьоҥҥун кытта көхтөөх кэпсэтии күүтэр. Харчыга сыһыаннаах дьыалаттан сылтаан мөккүөр тахсыан сөп. Дьыала ис кистэлэҥэ кирэдьиит, ипотека буолуон сөп. Саҥа улахан мал-сал атыылаһары былаанныыр наада.

Скорпион

Үлэҕэ-хамнаска табыгастаах кэм үүммүт. Бары дьыаланы үп-харчы эрэ быһаарар курдук саныыгын. Ис дьиҥэр барыта бэйэҕин хааччахтанар санааҕар сытарын өйдүөххүн наада.

Охчут

Туора дьону кытта дохуоккун ырыппатыҥ ордук. Саҥа былааннары туруорума, иирсээн тахсыан сөп. Холкутук сырыттаххына, барыта орун-оннугар түһүөҕэ.

Чубуку

Дьиэ кэргэҥҥин кытта ыраах сынньана барар туһунан толкуйдуоҥ. Ол эрээри харчыттан уонна аймахтаргын кытта туох эрэ кистэлэҥтэн сылтаан өйдөспөт түгэннэр буолуохтарын сөп. Бэйэни туттунар наада.

Күрүлгэн

Ыраах, атын куоракка олорор киһини кытта суругунан кэпсэтиэххин, санаа үллэстиэххин сөп. Онон санааҥ кынаттанан дуоһуйуоҥ. Саҥа дохуоттанар хайысханы тобулуоҥ.

Балыктар

Үлэҕэр кыраттан сылтаан иирсээн тахсыан сөп. Мөккүөргэ кыттыһар наадата суох. Дьыала барыта докумуоҥҥа сыһыаннаах, онон болҕомтолоох буолуу ирдэнэр. Тус олоххор барыта этэҥҥэ.