Нэдиэлэтээҕи гороскоп: Балаҕан ыйын 18 – балаҕан ыйын 25 күннэрэ

Хой

Үлэҕэр өйдөспөт түгэн тахсыан сөп. Кыыһырсыыны дириҥэппэт ордук. Нэдиэлэ ортото үөрүүлээх тэрээһин күүтэр.

Оҕус

Докумуоҥҥа сыһыаннаах дьыалаҕа бытаарыы тахсыан сөп. Тус олоххор барыта этэҥҥэ, дьиэ-уот кыһалҕатын судургутук быһаарыаҥ.

Игирэлэр

Дьиэ кэргэҥҥэ кыра иирсээн тахсыан сөп. Харчыттан сылтаан өйдөспөт түгэҥҥэ киэҥ көҕүстээх буол диэн сулустар сүбэлииллэр. Бу нэдиэлэ ортото этэҥҥэ быһаарыллыа.

Араак

Чугас киһигин кытта дьиэ-уот кыһалҕатыттан кыыһырсыаххын сөп. Уустук балаһыанньаҕа бэйэ бодотун тардынар наада. Айар үлэ уоскулаҥы аҕалыа, онон дьарыктанар наада.

Хахай

Үлэҕэ быһаарсыы үөскүөн сөп. Барытын эйэ-дэмнээхтик быһаарсарга кыһан. Эйигиттэн уопсай балаһыанньа тутулуктааҕын умнума. Үп-харчы дьыалата этэҥҥэ.

Кыыс

Харчыттан сылтаан киҥир-хаҥыр саҥарсыы үөскүөн сөп. Бэйэ сайдарыгар, сөбүлүүр дьарыккар тугу да харыстаама, кэлин онтуҥ уон оччонон эргиллиэ.

Ыйааһын

Доруобуйаҕар, харчыга сыһыаннаах дьыалаҕа болҕомтолоох буол. Тус олох туһунан толкуйдуурга бириэмэҥ тиийбэт.

Скорпион

Үп-харчы хамсыыр, кэлэр кэмэ. Наадалаах малы-салы атыылаһыаҥ, онтон дуоһуйуу ылыаҥ.

Охчут

Бэйэни сайыннарар, тугу эрэ саҥаны саҕалыыр туһунан толкуйдуоҥ. Быһымах быһыыга үчүгэйдик толкуйдаан хамсанар наада.

Чубуку

Ыраах айан ситиһиини түстүө. Санааҕын олоххо киллэрэргэ кыһан. Уһата-кэҥэтэ сылдьан туох эрэ үчүгэйи мүччү тутуоххун сөп.

Күрүлгэн

Олоххо көрүүҥ уларыйыа. Саҥалыы айыаххын, тугу эрэ саҕалыаххын баҕарыаҥ. Көхтөөх буолууҥ салалта болҕомтотун тардыаҕа.

Балыктар

Уурунуу харчыны элбэтэр туһунан толкуйдуоҥ. Ол эрээри барытыгар итэҕэйэн иһимэ, түөкүттэр албастарыгар киирэн биэрбэт гына сырыт.