НЭДИЭЛЭТЭЭҔИ ГОРОСКОП: МУУС УСТАР 17 – 24 КҮННЭРЭ

Хой

Чугастык саныы сылдьыбыт киһиҥ туһунан соччото суох сураҕы истэн хомойуоҥ. Үлэҕэ тыл-тылга киирсибэт түгэн тахсыан сөп. Ол эрээри, итиннэ болҕомтоҕун уурума, олоҕуҥ тэтимин ыһыктыма.

Оҕус

Соҕотох олорон сааһыланыаххын, инникини былаанныаххын, толкуйданыаххын баҕараҕын. Ол эрээри, эйигин кытта олус элбэх киһи алтыһыан, көрсүөн баҕарар буолан, ити олох кыаллыбакка сылдьар.

Игирэлэр

Көхтөөх, тэтимнээх нэдиэлэ үүммүт. Олоххор саҥа сүүрээн киириэ. Долгутуулаах да түгэннэр буолуохтара. Дохуоккун үрдэтэргэр саҥа хайысхалар көстүөхтэрэ. Саҥа билсиһииттэн куота-көтө сылдьыма.

Араак

Ыраах айаҥҥа турунуу ситиһиини тосхойуо. Ол эрээри тус былааҥҥын олоххо киллэрэ сатаа. Туора дьон олоҕунан олорума, бэйэҥ олоҕуҥ аттыгынан ааһан хаалыан сөп диэн сулустар сүбэлииллэр.

Хахай

Элбэх көрсүһүү, барыы-кэлии күүтэр. Доруобуйаҥ да этэҥҥэ. Арай дьиэ кэргэн кыһалҕата кыйахыан сөп. Ол гынан баран, кыра аайы тымтар, тырыттар туһаны аҕалбат.

Кыыс

Тапталтан сылтаан санаарҕаан ылыаҥ. Ити санаарҕабыл сүрэҕиҥ соҕотохсуйуутуттан, элбэх санаа этиллибэтиттэн тахсар курдук. Ол эрээри сырдык, үтүө өйдөбүллэри санаан, дууһаҥ уоскуйуо. Үп-харчы кыһалҕата этэҥҥэ быһаарыллыа.

Ыйааһын

Нэдиэлэ саҥата элбэх көрсүһүү, билсиһии күүтэр. Дохуоккун элбэтэр туһунан саҥа толкуй киириэҕэ. Дьиэ кэргэҥҥэ барыта эриэ-дэхси.

Скорпион

Сылайбыккын, туох да саҥаны саҕалыаххын баҕарбаккын. Дьыалабыай сыһыаннаһыыга сэрэхтээх уонна болҕомтолоох буол. Доруобуйаҕын көрүнэ, харыстана сырыт.

Охчут

Үлэҕэр туох баар күүскүн-кыаххын ууран дьарыктаныаҥ. Ол түмүгэр тус олоҕуҥ эмиэ кэннигэр хаалар кутталлаах. Төһө да харчыны сырсыбытыҥ иһин, доруобуйа улахан суолталааҕын өйдүөҥ.

Чубуку

Уустук, күүрүүлээх нэдиэлэ кэнниттэн уоскулаҥ кэмэ саҕаланыа. Санааны сайа этэртэн куттаныма, баар кыһалҕаны аһаҕастык санаа үллэстэн эрэ быһаарар кыахтааххын. Доруобуйаҥ этэҥҥэ.

Күрүлгэн

Соҕотохсуйууттан куотаҥҥын солуута суох элбэх көрсүһүүлэргэ сылдьыаххын, дьону кытта аһаҕастык ыһа-тоҕо кэпсэтиэххин сөп. Бу олус сэрэхтээх. Дьон кистэлэҥин алҕас билэҥҥин эрэйдэниэҥ эбэтэр ким эрэ кистэлэҥин кэпсээҥҥин, дьон тылыгар киириэҥ.

Балыктар

Салайар дьоҕургун көрдөрүөҥ. Дьиҥ үөрүүнү, дууһа уоскулаҥын аҕалар дьарыгы булаҥҥын астыныаҥ. Эппиэтинэһи ылартан, санааҕын аһаҕастык этэртэн толлума.