Ойуур баһаарын умуруорууга үс сүүстэн тахса киһи үлэлиир

Уопсайа 300 тахса киһи ойуур уотун утары охсуһар. 

Таатта оройуонун сиригэр-уотугар 50-ча гектар иэннээх сири хаппыт биир ойуур баһаара умуруорулунна. Бу туһунан СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрдэ.

От ыйын 3 күнүгэр сарсыардааҥҥы туругунан, Саха сиригэр 33 ойуур баһаара бэлиэтэммит. Уот тоҕус тыһ. гектартан арыый элбэх иэннээх сири сиэбит. Баһаарынайдар Мииринэйгэ, Нерюнгрига, Кэбээйигэ, Тааттаҕа, Эбээн Бытантайга үлэлииллэр.

Баһаар кутталлаах сезона саҕаланыаҕыттан Саха сирин сиригэр-уотугар 195 ойуур баһаара бэлиэтэммит (уот хаппыт уопсай иэнэ 22 тыһ. гект. тахса). Былырыын баччаларга 153 ойуур баһаара (уот хаппыт уопсай иэнэ 54 тыһ. гект.кэриҥэ) бэлиэтэнэн турар.

Сиһилии:  https://www.sakha.gov.ru/news/55292

СӨ Ил Дарханын уонна Бырабыыталыстыбатын пресс-сулууспата