От ыйын 6 күнэ – Архитектор күнэ!

Архитектор идэтэ – бу көннөрү чертежтар уонна суот-учуот эрэ буолбатах. Бу – кэлэр кэми өтө көрөн, ону таас, өстүөкүлэ уонна тимир нөҥүө харыстаан олоххо киллэрии искусствота. Хас биирдии тупсарыллыбыт тиэргэн, былааннанан оҥоһуллубут биэрэк кытыыта эбэтэр аныгы дьиэ – бу барыта уустук инженернэй уонна айар үлэ түмүгэ.

Саха сиригэр бу үлэ ордук уустук: тыйыс килиимэт уонна ирбэт тоҥ бырайыактааччылар иннилэригэр элбэх үлэни, толкуйу эрэйэр. Ол иһин манна айыллыбыт хас биирдии табыгастаах эйгэ – дьиҥнээх кыайыы.

Норуодунай бырагыраама көмөтүнэн Саха сирин нэһилиэнньэлээх пууннарын тас көстүүлэрэ биллэ уларыйар: саҥа уопсастыбаннай миэстэлэр баар буолаллар, тиэргэннэр уонна биэрэк кытыылара саҥардыллаллар, дьон олоҕун чэпчэтэр бырайыактар олоххо киирэллэр.

«Саха сирин архитектордарыгар эйгэни табыгастаах, функциональнай уонна кэрэни түстүүр үлэлэрин иһин махтанабыт! Эһиги бырайыактаргыт барыта олоххо киирэллэригэр, куораттарбыт сыллата сылаас тыыннанан, аныгылыы тупсан иһэллэригэр баҕарабыт!», — диэн «Биир ньыгыл Арассыыйа» баартыйа Саха сиринээҕи салаатын салалтата махаталын биллэрэр.