«Память воинов СВО» ансаамбыл «Женское сердце России» кыттыаҕа

«Аҕа дойдуну көмүскээччилэр» судаарыстыбаннай пуонда Саха сиринээҕи филиалын хамаандата  «Женское сердце России» киэҥ далааһыннаах бэстибээлгэ кыттыаҕа. 

Тэрээһин Улан Удэҕэ бэс ыйын 25 күнүгэр буолар. Хамаанда кыттыылаахтара талааннарын көрдөрүөхтэрэ. «Память воинов СВО» биэс киһилээх ансаамбыл «Небесная рать» диэн ырыаны ыллыахтара.

Байыаннай дьайыыга сырдык тыынын толук уурбут байыаннай сулууспалаах кэргэнэ Татьяна Легантьева Ольга Киевская «Баллада о матери» хоһоонун ааҕыаҕа.

Олоҕун толук уурбут байыаннай сулууспалаах күн күбэй ийэтэ, агроном, тыа хаһаайыстыбатын накуатын кандидата уонна Иван Федотов аатынан «Павловские вечёрки» ансаамбыл салайааччыта Мария Сидорова айылҕа матырыйаалларыттан оҥорбут араас оҥоһуктарынан быыстапкаҕа кыттыаҕа.

Бырагыраама икки блоктаах: сувенирдарынан уонна оҥоһуктарынан эрэгийиэннэр быыстапка-презентациялара, ону сэргэ кэнсиэр. «Женское сердце России» бэстибээл Уһук Илин дьиэ кэргэттэрин түмэр, сомоҕолуур ураты тэрээһининэн буолуоҕа. Тэрийээччинэн «Аҕа дойдуну көмүскээччилэр» байыаннай дьайыы кыттыылаахтарын өйүүр Судаарыстыбаннай пуонда буолар.

Сиһилии: https://www.sakha.gov.ru/news/53546

СӨ Ил Дарханын уонна Бырабыыталыстыбатын пресс-сулууспата