Паром сырыыта хаһан тохтуоҕай?

Тырааныспар министиэристибэтэ иһитиннэрэринэн, Өлүөнэ өрүскэ Дьокуускай-Аллараа Бэстээх хайысхатынан паромнар алтынньы бүтүөр диэри сылдьыахтара.

Билигин 13 паром сайыҥҥы эрэсииминэн үлэлииллэр. «Саха сирин паромнара» тэрилтэ иһитиннэрбитинэн, бу хайысханан сайыҥҥы тарыыптары алтынньы 24 күнүгэр диэри хаалларбыттар, онтон үрдээн барыаҕа. Ол эбэтэр, бүгүн — сайыҥҥы тарыып бүтэһик күнэ.

Алтынньы 23 күнүн кэнниттэн Хачыкаат-Мохсоҕоллоох хайысханан паром сырыыта тохтуоҕа диэн сабаҕаланар.

Салгын суудуналара Дьокуускайтан «Намыв» ыстаансыйаттан дьону таһаллар.

«Сулус» хампаанньа сотору кэминэн Дьокуускай-Аллараа Бэстээх хайысханан дьону таһан саҕалыаҕа. Билигин 3 суудуналарын өрөмүөннээн, докумуоннарын бэлэмнии сылдьаллар.

Тарыып сыаната — 2500 солкуобай, былырыыҥҥы таһымынан хаалла.