Психологтар кулун тутарга байыастарга уонна кинилэр дьонноругар көмөлөрө

Психологтар кулун тутарга байыаннай дьайыы кыттыылаахтарыгар уонна кинилэр дьонноругар 1750 үлэ көрүҥүн оҥордулар.

Саха сирин психологтара 1750 тустаан уонна бөлөхтөрүнэн араас психологическай үлэни кулун тутарга ыыппыттар. Маннык үлэ өрөспүүбүлүкэ иһигэр да, тас өттүгэр да, Доннааҕы Ростовка госпиталга ыытыллыбыт. Байыаннай эпэрээссийэ 1700 кэриҥэ кыттыылааҕа уонна кинилэр дьиэ кэргэттэрин чилиэннэрэ хабыллыбыттар. СӨ психологическай киинин дириэктэрин солбуйааччы Анатолий Кузьмин иһитиннэрбитинэн, бастакы уонна хос ыытыллар консультациялар, ону таһынан дьарыктар ыытыллаллар.

—Дьокуускай куораттааҕы байыаннай комиссариат ирдэбилинэн, байыаннай сулууспалаахтар социальнай реабилитацияларын уонна адаптацияларын бырагырааматын чэрчитинэн сырдатар үлэ ыытылынна. Тэрээһин психологическай өйөбүл табыгастаах тиһигин үөскэтэр уонна суолтатын туһунан сырдатар сыалтан ыытылынна. Көрсүһүү түмүгүнэн соруктар туруорулуннулар, — диэн иһитиннэрэр.

Дьокуускайга үлэ чааһыгар 8 (4112) 31-91-09 нүөмэринэн суруттаран психолог көмөтүн ылыахха сөп. Ити нүөмэринэн улуустарга киин филиалларын сибээстэрин билиэххэ сөп. Ону тэҥэ суукканы эргиччи итэҕэл төлөпүөнэ үлэлиир: 8-800-100-35-50 эбэтэр 122, салгыы 6 уонна 2.

Сиһилии: https://www.sakha.gov.ru/news/41730

СӨ Ил Дарханын уонна Бырабыыталыстыбатын пресс-сулууспата