Регулировщиктар үлэлэрэ уочараты түргэтэтэр

Дьокуускайга Михаил Николаев проспегар, уруккунан Автодорожнай уулуссаҕа «Саханефтегазсбыт» сапыраапката үлэлээн үгүс дьону абыраата.

Тус бэйэм Чернышевскай уулуссанан киирэн уочаракка турдум. Бу турдахпына регулировшик кэлэн ханнык уматыгы куттарбын ыйытта. Мин 95-тээҕи куттарбын истэн кэннибэр турбут 92-лээҕи куттар массыынаны инники аһарта, сапыраапка колонкатын таһыгар иккис регулировшик турар. Кини чуо ыйан биэрэр, ким ханнык колонкаҕа тиийэрин. Үһүс регулировщик касса таһыгар турар. Касса — терминалынан төлөнөр. Регулировщик да, суоппардар да сатаабатах киһиэхэ көмөлөһөллөр. Онон уочарат түргэнник хамсыыр. Онон регулировщиктар ыксаллаах балаһыанньаҕа уочараты сааһылаан, мунаахсыйбыкка көмөһөһөн абырыыллар. Уочаракка 40 мүнүүтэ турдум. Тоҕо диэтэххэ, бу үлэ чааһын бүтүүтэ буолан, массыына элбэх этэ.