РФ Үөрэҕириитин министиэристибэтэ иккис симиэнэҕэ үөрэтии быраабылаларын быһаарда

Саха сирин элбэх, ордук Дьокуускай куорат, улуус кииннэрин оскуолаларыгар оҕолору икки симиэнэнэн үөрэтэллэр. Дойду үөрэҕириитин министиэристибэтэ иккис симиэнэҕэ үөрэтии быраабылаларын быһаарда.

Министиэристибэ докумуонугар ыйылларынан, иккис симиэнэҕэ иккис-төрдүс уонна алтыс-ахсыс кылаастары эрэ үөрэтиэххэ сөп.

“Иккис симиэнэҕэ үөрэх 19:00 чаастан хойутааһына суох түмүктэнэр”, – диэн биэдэмистибэ ыйыытыгар суруллар. Маныаха бырагыраамаҕа “нулевой” үөрэх диэн көрүллүбэт. Ону тэҥэ, үс симиэнэнэн үөрэтэр көҥүллэммэт. Бу туһунан РИА Новости суруйар.