Саха сирэ алтынньы 2 күнүгэр фроҥҥа көмө оҥорор уочараттаах баартыйатын ыытыа

Өрөспүүбүлүкэтээҕи Суһал ыстааба анал байыаннай дьайыыга кыттар Саха сириттэн сылдьар байыаннай сулууспалаахтары эбии хааччыйыыга былааннаах үлэтин салҕыыр. Өрөспүүбүлүкэ анал байыаннай дьайыы зонатыгар баар тирэх пууннара буойуннарга гуманитарнай көмөнү тохтоло суох тиэрдэллэр. Бу туһунан нэдиэлэтээҕи брифиҥҥэ Саха сирин гражданскай оборуона дьыалаларыгар уонна нэһилиэнньэ олоҕун-дьаһаҕын куттала суох буолуутун хааччыйыыга миниистирэ Дмитрий Лепчиков кэпсээтэ.

«Алтынньы 2 күнүгэр Дьокуускайтан фроҥҥа волонтерскай тэрилтэлэр гуманитарнай таһаҕастаах уонна байыаннай сулууспалаахтар аймахтарын, чугас дьоннорун анал аадырыстаах баһыылкалаах уочараттаах массыыната, ону тэҥэ үс тиэхиньикэ ыытыллара былааннанар», — диэн спикер иһитиннэрдэ.

Дмитрий Лепчиков суһал ыстаап «ЯКТ-СОКОЛ» диэн саха оҥорон таһаарааччытын квадроциклларын толору ылбытын бигэргэттэ. Ону кытта «Патриотическое» ТОР бырагырааматын чэрчитинэн «Хотой» дроннар кэлиэхтээхтэр.

«2026 сыл саҕаланыаҕыттан анал байыаннай дьайыы зонатыгар Саха сириттэн 46 массыына рейсэ оҥоһулунна, 138 тырааныспар тиэрдилиннэ уонна 205 туоннаттан ордук гуманитарнай көмө уонна анал аадырыстаах баһыылка ыытылынна», — диэн гражданскай оборуона дьыалаларыгар уонна нэһилиэнньэ олоҕун-дьаһаҕын куттала суох буолуутун хааччыйыыга миниистир Дмитрий Лепчиков бэлиэтээтэ.

Сиһилии: https://www.sakha.gov.ru/news/64993