Саха сирэ Дьааҥы олохтоохторугар көмөҕө турунар

Бытантай үрэх уута эмискэ хаатыттан тахсан, халааннаан Дьааҥы улууһун Сайдыы сэлиэнньэтигэр ыксаллаах быһыы-майгы эрэсиимэ биллэрилиннэ. Хотугу сир олохтоохторун халаан уута соһуччу ылла.

Бүгүҥҥү туругунан 48 тэлгэһэ ууга барда, 31 олорор дьиэ айылҕа содулугар түбэстэ, оҕолору кырдьаҕастары холбоон – 140 киһи суһал көмөҕө наадыйар.

«Биир ньыгыл Арассыыйа» баартыйа Саха сиринээҕи олохтоох салаата уонна баартыйа Уопсастыбаннай өйөбүлүн ыстааба суһаллык гуманитарнай көмө хомуйалларын биллэрэллэр! «Биир ньыгыл Арассыыйа» баартыйа амарах санаалаах бар дьону бука барыгытын кыһалҕалаах улууска күүс-көмө буоларга ыҥырар.

Эһиги көмөҕүтүн тутар пууҥҥа тиэрдиэххитин сөп, аадырыһа: Дьокуускай куорат, Курашов уулуссатын 24 №-дээх дьиэтэ, 405 кэбиниэт.

Бастатан туран хомуйуллар мал-сал:

• — Бастакы суолталаах мал (гигиена нобуора, утуйар таҥас, соттор).
• — Хаһаанарга табыгастаах астар (кэнсиэрбэ, куруппа, чэй, саахар, бичиэнньэ).
• — Сылаас таҥас (ордук оҕолорго), суорҕан, утуйар мөһөөччүк.
• — Эрэһиинэ саппыкы, ууну киллэрбэт куурка.

Сибээстэһэр уона билсэр төлөпүөн: 8 (914) 220-64-16.