Саха сиригэр 62 тыһыынчаттан тахса оҕо уһуйааҥҥа сылдьар

Саха Өрөспүүбүлүкэтигэр оскуолаҕа киириэн иннинээҕи үөрэх систиэмэтэ салгыы сайдар. Бүгүн өрөспүүбүлүкэҕэ 700-тэн тахса үөрэх тэрилтэлэрэ оскуолаҕа киириэн иннинээҕи үөрэх бырагыраамаларын олоххо киллэрэллэр, онно 62 тыһыынчаттан тахса оҕо, ол иһигэр үс саастарыгар диэри 13 тыһыынчаттан тахса кырачаан иитиллэр.

Оскуолаҕа киириэн иннинээҕи саастаах оҕолор тэрилтэлэрин ситимин сайыннарыы Арассыыйа Бэрэсидьиэнэ Владимир Путин көҕүлээбит «Ыччат уонна оҕолор» уонна «Дьиэ кэргэн» национальнай бырайыактарын, ону тэҥэ «Биир ньыгыл Арассыыйа» баартыйа «Чэгиэн кэскил» бырайыагын соруктарыгар уонна сыалларыгар сөп түбэһэр.

«Биир кэлим үөрэх систиэмэтин миссията – эдэр дьону идэтийбит үлэҕэ бэлэмнээһин, бэйэтин, дьиэ кэргэнин уонна уопсастыба туһугар ситиһиигэ дьулуһар күүстээх личность быһыытынан иитии буолар. Оҕолорбутун төрөөбүт дойдуларын тапытыыр уонна бэриниилээх буолалларыгар  иитэрбит биһиги иэспит буолар», — диэн бэлиэтээтэ Ил Дархан, «Биир ньыгыл Арассыыйа» баартыйа эрэгийиэннээҕи салаатын ситэриилээх кэмитиэтин сэкэритээр Айсен Николаев.

2026 сылга оскуолаҕа киириэн иннинээҕи иитиинэн, үөрэҕинэн 100% оҕо хааччыллыахтаах. Оҕо уһуйааннарыгар саҥа миэстэлэри тэрийиигэ уонна сөптөөх инфраструктураны сайыннарыыга үлэ Саха сирин бары оройуоннарыгар утумнаахтык ыытыллар.

Сиһилии: https://www.sakha.gov.ru/news/51353