Саха сиригэр 80 тыһ. тахса туонна уматык тиэллэн иһэр

Билигин Саха сиригэр 80,8 тыс. туонна уматык айаннаан иһэр. Өрөспүүбүлүкэҕэ уматык саҥа баартыйалара тимир суолунан уонна уу тырааныспарынан аҕалыллара күүтүллэр. Бу туһунан брифинг кэмигэр Саха Өрөспүүбүлүкэтин Гражданскай оборуонаҕа уонна нэһилиэнньэ олоҕун-дьаһаҕын куттала суох буолуутун хааччыйыыга миниистирин солбуйааччы Никита Павлов иһитиннэрдэ.

«Ол курдук, „Саханефтегазсбыт“ АУо АИ-95 мааркалаах уматыктаах 23 вагон кэлэрин күүтэр. Бу 1 413 туонна буолар. Бүгүн уонна сарсын тэрилтэ 5-тии вагону, ону тэҥэ 38 вагон дизель уматыгын тутуоҕа. Маны таһынан 2 600 туонна дизель уматыга уу суолунан иһэр», — диэн бэлиэтээтэ Никита Павлов.

Санатан эттэххэ, өрөспүүбүлүкэҕэ уматыкка бары тэрээһиннэри сүрүннүүргэ суһал ыстаап тэриллибитэ. Күн аайы уматык саппааһын тиэрдиини уонна атыылааһыны кэтээн көрүү, ону тэҥэ ньиэп хампаанньаларын, таһаҕас таһааччыларын уонна федеральнай былаас уорганнарын кытта бииргэ үлэлээһин ыытыллар.

Саха Өрөспүүбүлүкэтин Ил Дарханын уонна  Бырабыыталыстыбатын пресс-сулууспата

Сиһилии: https://www.sakha.gov.ru/news/58004