Саха сиригэр дьон 2021 сыллааҕар көхтөөхтүк куоластыыр

Өрөспүүбүлүкэҕэ Госдуума дьокутааттарын талар быыбар үһүс түмүктүүр күнэ үүннэ.

Быыбар киин хамыыһыйата иһитиннэрбитинэн, балаҕан ыйын 20 күнүгэр 10:00 чаас туругунан 240541 киһи куоластаабыт — 37,08%. Бу 2021 сыллааҕар үрдүк көрдөрүү.

Саха сирин олохтоохторо, син биир Уһук Илин дьонун курдук, ааспыттааҕы Госдуума быыбарынааҕар, быйыл быдан көхтөөхтүк куоластыыллар,

Саха сирин олохтоохторо, Уһук Илин дьонун курдук, Госдуума ааспыттааҕы быыбарыгар холоотоххо, быйыл көхтөөхтүк куоластыыллар. Эспиэрдэр бу улахан интэриэһи кэнники биэс сылга Уһук Илиҥҥи федеральнай уокурукка уонна чуолаан Саха сиригэр буола турар уларыйыылары кытта ситимнииллэр. Судаарыстыба инвестициятын көмөтүнэн, Уһук Илин дойду экэниэмикэтин үүнүүтүгэр лиидэр буолла, оттон олохтоохторугар көрүллэр  чэпчэтиилэр уонна социальнай өйөбүл кээмэйдэрэ сааҥсыйалар баттааһыннарыттан даҕаны кыччаабата. Владимир Путин Уһук Илиҥҥи федеральнай уокурук сайдыытыгар улахан болҕомтотун уурар. Ону таһынан, Бэрэсидьиэн көҕүлээһининэн кэлэр уон сылга Уһук Илин сайдыытын стратегията оҥоһулунна.

“Биһиги көрөрбүтүгэр, Уһук Илин уонна чуолаан Саха сирэ кэлиҥҥи биэс сыллааҕы сайдыыта быыбардааччылары, оннооҕор урут улаханнык интэриэһиргээбэт да дьону, куоластыырга көҕүлээтэ. Онон Саха сирин уонна Уһук Илиҥҥи федеральнай уокурук дьоно хайдах кэскил иһин куоластыылларын өйдүүллэр. Бэрэсидьиэн эриэйтинэ үрдээһинэ былааска дьон итэҕэлэ улааппытын эмиэ көрдөрөр. ВЦИОМ дааннайдарынан, Уһук Илин көрдөрүүтэ дойду орто көрдөрүүтүн куоһарар. Бу хайысха 2024 сыллааҕы быыбарга эмиэ көстүбүтүн  бэлиэтии көрбүппүт: Владимир Путин Уһук Илиҥҥи федеральнай уокурукка бэйэтин электоральнай көрдөрүүтүн 2018 сыллааҕы бэрэсидьиэн быыбарыгар холоотоххо 18,8 бырыһыанынан тупсарбыта — 67,8%-тан 86,6%-ҥа диэри үрдээбитэ. Оттон бу быыбарга олохтоохтор бэрэсидьиэн кууруһун өйүүллэрэ быыбардааччылар кыттыыларыттан көстөр. Ол курдук 2021 сыллааҕар үрдүк. Ол түмүктүүр көрдөрүүгэ сабыдыаллыаҕа”, — диэн этэр Устуоруйа уонна култуура пааматынньыктарын харыстыыр Бүтүн Арассыыйатааҕы уопсастыба Саха сиринээҕи салаатын сэбиэтин бэрэссэдээтэлэ, Мэҥэ Хаҥалас улууһун бочуоттаах олохтооҕо Руслан Васильев.

СӨ Быыбар киин хамыыһыйатын дааннайынан, билиҥҥи быыбар улахан кэһиитэ суох баран иһэр. Өрөспүүбүлүкэ биир быыбардыыр учаастагар кэтээн көрөөччүлэр быыбар бүлүтүөннэрин харайыыга бэрээдэги кэһии тахсыбытын тохтоппуттара. РФ Быыбар киин хамыыһыйата бу түбэлтэни суһаллык көрөн баран, сокуон ирдэбилинэн ол учаастак куоластааһына суох оҥоһуллубута. Уопсайынан, кэһиилэр бэлиэтэммит да буоллахтарына, бу быыбар түмүгэр дьайбат тэрээһин үлэ биирдиилээн сыыһатыгар-халтытыгар  тэҥнэһэллэр.