Саха сиригэр ойуур баһаардарын умуруорууга 200-тэн тахса киһи үлэлиир

Саха сиригэр ойуур баһаардарын умуруоруу салҕанар. От ыйын 26 күнүнээҕи сарсыарда 08:00 чаас туругунан, уоту умуруорууга уопсайа 200-тэн тахса баһаарынай үлэлии сылдьар. Бу туһунан Саха Өрөспүүбүлүкэтин Экологияҕа, айылҕа туһаныытыгар уонна ойуур хаһаайыстыбатыгар министиэристибэтэ иһитиннэрэр.

• Алдан улууһугар 6 гектар иэннээх баһаары умуруораллар. Онно Авиалесоохрана парашютнай-десантнай баһаарынай сулууспатын 10 үлэһитэ уонна 2 тиэхиньикэ үлэлиир.
• Уус-Майа улууһугар икки ойуур баһаарын умуруоруу бара турар. Олортон 71 гектардаах уот сиригэр Авиалесоохрана парашютнай-десантнай сулууспатын 67 исписэлиэһэ үлэлии сылдьар. Өссө биир 1 гектардаах баһаары «Якутлесресурс» ГАУ 10 үлэһитэ умуруорар.
• Өлөөн улууһугар 45 гектардаах баһаары бохсор сыаллаах үлэлэр салҕаналлар. Баһаары умуруорууга Авиалесоохрана 59 парашютист-десантнига, 12 вездеход, 25 бэйэ баҕатынан көмөлөһөөччү уонна Судаарыстыбаннай уоту утары сулууспа 5 үлэһитэ тардылыннылар.
• Орто Халыма улууһугар икки улахан ойуур баһаарын утары охсуһуу бара турар. Бастакы 14 926 гектардаах уокка Авиалесоохрана парашютнай-десантнай сулууспатын 24 үлэһитэ сылдьар. Иккис, 35 425 гектар иэннээх улахан баһаары Авиалесоохрана 11 исписэлиэһэ умуруорар.

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата