Саха сиригэр «Полярнай» аэропуорду саҥардыы саҥа түһүмэххэ таҕыста

2026 сылга «Полярнай» аэропуорду саҥардыы бастакы түһүмэҕин чэрчитинэн, «Тиһиктээх тырааныспар систиэмэтэ» национальнай бырайыагынан аэродром инфраструктуратын саҥардыы үлэлэрэ салгыы ыытыллыахтара.

Быйыл сүрүн соруктарынан 950 миэтирэ уһуннаах көтөр-түһэр балаһа бүрүөһүнүн уларытыы уонна светосигнальнай тэриллэр ойоҕос, хааччахтыыр уонна киирэр подсистемаларын оҥоруохтара.

2026 сыллааҕы үлэлэр түмүктэммиттэрин кэннэ, иккис түһүмэх саҕаланыа, онно перрону, патрульнай суолу, трансформатор подстанцияларын, ыраастыыр сооружениелары, аэронавигационнай систиэмэлэри көһөрүүнү уонна аэродром күрүөтүн тутуохтара. Иккис түһүмэҕи 2030 сылга диэри бүтэрэргэ былааннанар.

Бу дьаһаллар Арассыыйа эрэгийиэннэрин икки ардыгар сибээстээх уонна табыгастаах буолууларын тупсарыыга туһуламмыт «Тиһиктээх тырааныспар систиэмэтэ» национальнай бырайыак чэрчитинэн аэропуортары кэлимник сайыннарыы буолар.