Саха сиригэр тыатааҕы нэһилиэккэ киирбит 92 түбэлтэтэ бэлиэтэннэ

Өрөспүүбүлүкэ үрдүнэн  тыатааҕылар нэһилиэнньэлээх пууннарга тахсыыларын 90-тан тахса түбэлтэтэ бигэргэтилиннэ.

«Саха сиригэр бу сылга тыатааҕы дьон олорор сирдэригэр (нэһилиэктэргэ уонна вахтовай бөһүөлэктэргэ) тахсыбыт 92 түбэлтэтэ бэлиэтэннэ Дьон олоҕор кутталы үөскэтэллэринэн сибээстээн, уопсайа 605 эһэни бултуурга (ахсааннарын аҕыйатарга) 335 быһаарыы ылылынна», — диэн Саха Өрөспүүбүлүкэтин Экологияҕа уонна айылҕаны туһаныыга министиэристибэтэ РИА Новости ааҕыныстыбаҕа иһитиннэрбит.

Сыл аайы аар тайҕа муҥур тойоно тахсыытын саамай элбэх түбэлтэтэ Нерюнгри, Ленскэй, Мииринэй, Өлүөхүмэ, Амма, Бүлүү, Мэҥэ Хаҥалас уонна Горнай улуустарыгар бэлиэтэнэр.

Саха сиринээҕи Экология министиэристибэтин Бултуур уонна булт ресурсаларын харыстыыр департаменын салайааччыта Владимир Решетников  кэпсээбитинэн, Араҥас эһэ нэһилиэнньэлээх пууннарга тахсыытын туһунан иһитиннэрии ахсаана бүтэһик биэс сыл иһигэр 2,5 төгүл кэриэтэ элбээбит.

РФ Айылҕа харыстабылын министиэристибэтин чахчыларынан, Саха сиригэр уопсайа 18,8 тыһыынча кэриэтэ тыатааҕы баар.