Саха сирин 2,5 тыһыынчаттан тахса ыччата устудьуоннар этэрээттэригэр үлэлээтэ

2026 сыл бастакы аҥаарыгар Саха сирин устудьуоннарын этэрээтигэр 2529 ыччат үлэлээбит. Өрөспүүбүлүкэ эдэр ыччата тутууттан саҕалаан, мэдиссиинэ, педагогика уонна сервис курдук саамай наадалаах хайысхаларга үлэлээбит.

Кинилэр төрөөбүт өрөспүүбүлүкэлэрин да, Арассыыйа атын да эрэгийиэннэрин социальнай-экэнэмиичэскэй сайдыытыгар кылааттарын киллэрэллэр.
Устудьуоннар этэрээттэрин сайыннарыы уонна ыччаты идэлээх буолууга бэлэмнээһин Арассыыйа бэрэсидьиэнэ Владимир Путин көҕүлээбит «Ыччат уонна оҕолор» национальнай бырайыак уонна «Биир ньыгыл Арассыыйа» норуот бырагырааматын чэрчитинэн ыытыллар. Бу үлэ эдэр дьон идэтийиигэ уопуту ылалларынар кыаҕы биэрэр.
СӨ ыччат дьыалатыгар уонна социальнай коммуникацияҕа министирэ Петр Шамаев бэлиэтээбитинэн, устудьуоннар этэрээттэрэ Саха сирин сайдыытыгар тутууттан саҕалаан мэдиссиинэҕэ тиийэ, араас бырайыактарга кыттан тус кылааттарын киллэрэллэр.
«Күн бүгүн кинилэр үлэлэрин түмүктэрэ бары улуустарга көстөр уонна биһиги ыччаттарбытын өрөспүүбүлүкэҕэ суолталаах бырайыактары толорууга кыттыыларын практикатын кэҥэтиэхпит. Оҕолорго устудьуоннар этэрээттэригэр үлэлиир эмиэ улахан суолталаах. Бу кинилэргэ үөрэх аудиториятыгар бэриллибэт улахан практическай уопуту биэрэр, ыччакка эппиэтинэстээх буоларга өйлөбүлү, хамаанданан үлэлиир дьоҕуру үөскэтэр, бэйэ-бэйэҕэ көмөлөһүү дьоҕурун иитэр. Онон устудьуоннар этэрээттэригэр кыттыы — бу быстах кэмнээх үлэ эрэ буолбатах, ыччат бэйэтин көрдөрөрүгэр, олоххо миэстэтин буларыгар, усулуобуйаны тэрийэр, өрөспүүбүлүкэ сайдыытыгар кылаатын киллэрэр уонна көхтөөх гражданскай позицияны үөскэтэр тиһиктээх мэхэньиисим», — диэн эбэн эттэ Петр Шамаев.
Устудьуоннар этэрээттэрин кыттыылаахтарын географията уонна үлэ хайысхалара сөхтөрөр. Ол курдук, 404 тутар этэрээт байыастара өрөспүүбүлүкэ оройуоннарыгар, Дьокуускайы тупсарыыга, «Север» ЧНГКМ, ону таһынан Иркутскай уобаласка «Сибиир» Бүтүн Арассыыйатааҕы устудьуоннар тутар этэрээттэригэр үлэлээбиттэр. 311 тыа хаһаайыстыбатын этэрээтин байыаһа Уһук Илин федеральнай уокурук балыгы переработкалыыр тэрилтэлэригэр, Ростов уобалаһыгар яблоко хомуйуутугар, Саха сиригэр окко уонна бүтэй тутуутугар үлэлээбиттэр.
141 сервис этэрээтин байыастара дойду рестораннарыгар, санаторнай-курортнай комплекстарыгар, ону таһынан Санкт-Петербург куоракка Пулково аан дойдутааҕы аэропорка үлэлээбиттэр. 242 педагогика этэрээтин байыастара Саха сиригэр уонна Приморскай кыраайга сайыҥҥы лааҕырдарга уонна үлэ уонна сынньалаҥ лааҕырдарыгар үлэлээбиттэр. Улаатан эрэр оҕолор устудьуоннар этэрээттэригэр үлэлииллэрин бэлиэтээн ааһар наадалаах: 80 байыас оҕо үлэ этэрээттэригэр киирбиттэр, онтон 14-17 саастаах 124 байыас оҕо лааҕырдарыгар баһаатай көмөлөһөөччүтүнэн, ону таһынан «ТрансГазТомск» Нерюнгритааҕы филиалын тэрилтэлэригэр үлэлээбиттэр.

55 байыас айанньыттары арыаллааччы уонна 38 байыас суол монтажнигын быһыытынан «Саха сирин тимир суоллара» уонна «Арассыыйа тимир суоллара» хампаанньаларга Тында уонна Владивосток вагоннай учаастактарыгар үлэлээбиттэр. 327 байыас устудьуон миэдиктэр этэрээттэригэр Саха сирин балыыһаларыгар мэдиссиинэ үлэһиттэринэн, санитарканан уонна сиэстэрэнэн үлэлээбиттэр. Өссө 931 байыас идэтийбит этэрээттэргэ киирэн, бэйэлэрин профильнай хайысхаларынан бырайыактары толорбуттар.

Сиһилии: https://www.sakha.gov.ru/news/62141