Саха сирин  дэлэгээссийэтэ Анал байыаннай дьайыы бэтэрээннэрин ассоциациятын Бүтүн Арассыыйатааҕы хомууругар  кыттар

Анал байыаннай дьайыы бэтэрээннэрин ассоциациятын бэрэссэдээтэлэ Сулустаан Заболоцкай салайааччылаах  Саха сирин  дэлэгээссийэтэ Приморьеҕа Анал байыаннай дьайыы бэтэрээннэрин ассоциациятын Бүтүн Арассыыйатааҕы хомууругар  кыттар.

«Анал байыаннай дьайыттан төннүбүт уолаттар инники кирбиигэ турбуттара. Кинилэр сэрии диэн тугун, бойобуой доҕотторгун сүтэрии ыарын уонна кыайыы үөрүүтүн эттэринэн-хааннарынан билбит дьон. Бу — биһиги дойдубут куттала суох буолуутун уонна суверенитетын тутан турар тирэх. Бу уолаттар хас биирдиилэрэ — сололоруттан, наҕараадаларыттан тутулуга суох дьоруойдар», — диэн РФ бырабыыталыстыбатын бэрэссэдээтэлин солбуйааччы — Уһук Илиҥҥи федеральнай уокурукка Бэрэсидьиэн боломуочуйалаах бэрэстэбиитэлэ Юрий Трутнев бэлиэтээтэ.

Тэрээһин дойду бары эрэгийиэннэриттэн  байыаннай дьайыы 200-тэн тахса кыттыылааҕын түмэр. Хомуурдар  Уһук Илиҥҥи федеральнай университекка  ыытыллаллар.

«Саха сириттэн анал байыаннай дьайыы бэтэрээннэрэ бырайыактыыр сиэссийэлэргэ, ону тэҥэ Стратегическай көҕүлээһиннэр ааҕыныстыбалара тэрийбит дьыалабыай оонньууга кытыннылар. Владивостоктааҕы 46-с нүөмэрдээх оскуолаҕа дэлэгээссийэ чилиэннэрэ хорсун буолуу уруогун ыыттылар. Көрсүһүүлэр 20-тэн тахса былаһааккаҕа тэҥинэн бараллар. Маны таһынан, эрэгийиэннээҕи ассоциациялар салайааччыларын үлэлэрин уопутун атастаһыы олус көхтөөхтүк барар», — диэн Сулустаан Заболоцкай кэпсээтэ.

Сиһилии https://www.sakha.gov.ru/news/64391