Саха сирин дьиктилэрэ

Саха сирин айылҕата ураты баай, ону таһынан сөҕүмэр таайыллыбатах дьиктилэрдээх. Хаһан эрэ бу кистэлэҥнэр арыллыахтара дуо?

Сир хараҕа

Хотун Бүлүү кытыла, эҥээркэй эһиэкэйдээх, кыҥкынас кылыһах тойуктаах Сунтаар сирэ-уота ураты айылҕалаах, түҥ былыргыттан илдьэ кэлбит кистэлэҥнэрдээх. Холобур, Кэмпэндээйигэ туус, цеолит хостонор, араас минераллар, эмтээх бадараан, сир баайа баар.

Кириэстээххэ Соколинай хомотугар бастакы алмаас көстүбүтэ. Тэҥкэҕэ тэллэй курдук быһыылаах дьикти таастар бааллар. Тээтэ диэн сиртэн динозаврдар уҥуохтарын булаллар. Түбэйгэ өрүс кытылын Үрүҥ Хайатыгар бэлэм суорунаҕа маарынныыр элбэх таастары булан, туһаналлар.

Тааһырбыт мастар

Сунтаарга Устье бөһүөлэк аттынан, өрүс кытыла сиҥнибитигэр, сүүнэ бэрэбинэ курдук быһыылаах таастар көстүбүттэрэ. Олохтоох булчуттар-балыксыттар урут син көрөллөрө-билэллэрэ буолуо. Онтон суруналыыс Тускулаана Горохова-Кобельянова киэҥ эйгэҕэ кэпсиэҕиттэн, бу “мастары” элбэх киһи билбитэ, анаан чинчийэ кэлээччи да биллибитэ.

Сиһилии «Саха сирэ» хаһыат от ыйын 17 күнүнээҕи нүөмэригэр ааҕыҥ.

ХААРТЫСКАЛАР: СОЦИАЛЬНАЙ СИТИМНЭРТЭН.