Саха сирин дзюдоисткалара спартакиадаҕа ситиһиилээхтик кытыннылар

Магнитогорскайга Арассыыйа норуоттарын  Спартакиадаларын чэрчитинэн дзюдоҕа күрэхтэһиилэр түмүктэннилэр. Бу туһунан Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрдэ.

Күрэхтэһии атырдьах ыйын 1–2 күннэригэр буолла.

Саха сирин спортсменкалара Аина Моисеева (48 кг) уонна Карина Ефимова (52 кг) турнир үрүҥ көмүс призердарынан буоллулар.

Күрэхтэһии бастакы күнүгэр Надежда Татарченко кыайыылааҕынан тахсан, 78 кг диэри ыйааһыннаахтарга кыһыл көмүс мэтээли ылбыта.

Онон Саха сирин дзюдоисткалара Спартакиаданы үс мэтээлинэн түмүктээтилэр.

Күрэхтэһиигэ Арассыыйа 41 эрэгийиэниттэн 250-тан тахса дзюдоист кытынна.

Спартакида бириистээх пуондата:
— Бастакы миэстэҕэ — 500 000 солкуобай;
— Иккискэ — 300 000 солкуобай;
— Үһүскэ — 200 000 солкуобай.