Саха сирин нэһилиэнньэлээх пууннарын тупсарыы үлэлэрэ салҕаналлар

Саха сиригэр тупсарыы үлэтэ Арассыыйа Бэрэсидьиэнэ Владимир Путин көҕүлээбит «Олох-дьаһах инфраструктурата» национальнай бырайыагын чэрчитинэн ыытыллар.

«Нэһилиэнньэлээх пууҥҥа уопсастыбаннай куйаар үөскээтэҕинэ, бастатан туран, социальнай өттө, ол кэнниттэн экэниэмикэтэ эмиэ сайдар. Территория сайдыытын төрүөтэ — киһи хапытаала», — диэн Саха сирин сүрүн архитектора Любовь Папок бэлиэтээтэ. Ону таһынан, маннык тупсарыы үлэлэр дьоҕус биисинэһи сайыннарарга улахан кыаҕы биэрэр. Уопсастыбаннай сирдэргэ  павильоннарга араас тэрээһиннэр ыытыллаллар, онно урбаанньыттар бэйэлэрин табаардарын уонна өҥөлөрүн дьоҥҥо тиэрдиэхтэрин сөп.

Бүлүү куорат «Ыллыыр кумахтар»  кытыла — олоххо киирбит бастыҥ бырайыактартан биирдэстэрэ. Бу бырайыак Уһук Илин эрэгийиэннэригэр аналлаах куорат эйгэтин тупсаран оҥорууга Бүтүн Арассыыйатааҕы куонкурус кыайыытынан уонна федеральнай үбүн көмөтүнэн олохтонно.  Кытыл арт-эбийиэгинэн эрэ буолбакка, дьон сөбүлээн сынньанар уонна көрсүһэр киининэн буолла.

Маннык бырайыактар салгыы сайдыылара инфраструктура эрэ буолбакка, онно ыытыллар тэрээһиннэртэн, дьон-сэргэ олоххо хайдах кыттыһарыттан тутулуктаах. «Уопсастыбаннай куйаары тэрийии инникитин хайдах үлэлиэҕин эмиэ толкуйдуур наада. Маннык сирдэр дьоҕус биисинэһи сайыннарарга кыах биэрэллэр. Ол иһин муниципальнай тэриллиилэр тупсарыы хаачыстыбатыгар эрэ буолбакка, кэлин нэһилиэнньэлээх пуун сайдыытыгар хайдах туһаныахха сөбүн эмиэ болҕомтолоругар ылыахтаахтар», — диэн  архитектор эттэ.

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.

Сиһилии: https://www.sakha.gov.ru/news/67812