Саха сирин олохтоохторун БПЛА-нан сулууспалыырга ыҥыраллар

Саха сиригэр хантараагынан байыаннай сулууспаҕа, ол иһигэр БПЛА-ҕа, дьону хомуйуу салҕанар. Бэйэлэрин олохторун аныгы, сайдыылаах технологиялары кытта ситимниэн баҕарар дьон сүүмэрдээһини ааһан, Арассыыйа Сэбилэниилээх күүстэригэр саамай наадалаах идэни баһылыахтарын сөп.

Атырдьах ыйын 4 күнүгэр Дьокуускай куоракка хантараагынан байыаннай сулууспаҕа сүүмэрдиир пууҥҥа буолбут брифинг кэмигэр иһитиннэрбиттэринэн, хас биирдии хандьыдаат бэйэтэ сулууспалыыр сирин уонна байыаннай идэтин талар бырааптаах.

«Саамай наадалаах уонна интэриэһинэй хайысханан — БПЛА, дроннар оператордарын бэлэмнээһин буолар. Бу салаа үрдүк технологиялаах систиэмэни тутуһар: манна дроннары салайыы эрэ буолбакка,  өрөмүөннээһин, көрүү-истии уонна настройкалааһын үлэлэрэ киирэллэр. Аныгы байыаннай дьайыыларга маннык исписэлиистэр оруоллара олус улахан: БПЛА көмөтүнэн разведка, уоту салайан биэрии, быһыыны-майгыны үөһэттэн кэтии уонна да атын уустук сорудахтар толоруллаллар», — диэн пууҥҥа бэлиэтээтилэр.

Дроннары кытта үлэлиир дьоҥҥо үөрэхтэригэр анал ирдэбиллэр бааллар:

• Авиационнай персоналга — үрдүк эбэтэр орто анал үөрэх;
• Сөмөлүөт көрүҥнээх БПЛА-ны салайааччыларга — үрдүк, орто анал эбэтэр уопсай орто үөрэх;
• Коптер көрүҥнээх БПЛА-ны, FPV-дроннары салайааччыларга — үрдүк, орто анал, уопсай орто эбэтэр  уопсай үөрэх.

Тэҥ кыахтаах дьонтон бастакы уочарат дронрейсердарга (дрон пилоттарыгар), кибер-спортсменнарга, авиамоделистарга, программистарга, радиотехниктарга, автомеханиктарга, ону тэҥэ көмпүүтэр оонньуутунан үлүһүйэр дьоҥҥо ордук болҕомто ууруллар.

Үп-харчы өттүнэн өйөбүл бу дьыл ыам ыйын 10 күнүттэн хантараагынан сулууспалааччыларга 3,8 мөл. солкуобайга диэри биир кэмнээх төлөбүр көрүллэр. Манна киирэллэр:

• 3 мөл. солкуобай — Саха Өрөспүүбүлүкэтиттэн;
• 400 тыһ. солкуобай — Арассыыйа Оборуонаҕа министиэристибэтиттэн;
• 400 тыһ. солкуобайга диэри — муниципальнай тэриллиилэртэн (улуустартан).

Наадалаах докумуоннар: Паспорт, СНИЛС, ИНН, үөрэҕин туһунан докумуон, байыаннай билиэт. Маны таһынан кэргэннээх уонна оҕолоох буоллахха, туоһулуур докумуоннар наада буолуохтара.

Сүүмэрдиир пууннар аадырыстара: Пууннар өрөбүлэ суох күн аайы 09:00 чаастан 18:00 чааска диэри маннык аадырыстарынан үлэлииллэр:

• Дьокуускай к.: Чепалов уул., 23 дь., уонна Сэргэлээхтиир шоссе 11 км., 1 дь.
• Нерюнгри к.: Чурапчы уул., 33, 3 корп.
• Мииринэй к.: 40 лет Октября уул., 26.

Эбии иһитиннэриини сүүмэрдиир кииннэргэ, байыаннай комиссариаттарга, службапоконтракту14.рф сайтка, ону тэҥэ 8 (4112) 32-10-40 уонна 8 (924) 166-13-93 (төгүрүк суутка) төл. эрийэн билсиэххэ сөп.