Саха сирин сэттэ тыһыынчаттан тахса олохтооҕо «Норуот бырагыраамата 2.0» этиилэрин киллэрдилэр

Норуот баартыйатын уопсастыбаннай өйөбүлүн ыстаабыгар  саҥардыллыбыт бырагыраамаҕа этиилэри хомуйуу үлэтэ салҕанар.

«Естьрезультат.рф» сайт дааннайынан, бүгүҥҥү күҥҥэ Саха сириттэн 7164 киһи этии киллэрбит.

Олохтоохтор докумуону оҥорууга эрэ буолбакка, бырагырааманы толорууга уонна түмүгүн хонтуруоллааһыҥҥа кытталлар. Баартыйа, ситэриилээх былаас уорганнарын уонна олохтоохтор икки ардыларыгар көхтөөх кэпсэтии – дойду сайдарын туһугар көдьүүстээх оҥкул. «Биир ньыгыл Арассыыйа» баартыйа уопсастыбаннай өйөбүлүн ыстааба – кинилэр ситимнэрин сүрүн сүөһүҕэ.

«Норуот бырагыраамата 2.0» этиилэри хомуйуу салҕанар. Дьокуускай куорат ыалдьыттарын уонна олохтоохторун бу туһалаах дьыалаҕа бириэмэ анаан кытталларыгар ыҥырабыт», — диэн Уопсастыбаннай өйөбүл ыстаабын салайааччыта бэлиэтээтэ.

Норуот бырагырааматыгар киллэрэргэ этиини официальнай сайт анал сервиһин нөҥүө хаалларыахха сөп: https://естьрезультат.рф/offers.

Ону таһынан суругунан бырайыактары Дьокуускай куоракка Уопсастыбаннай өйөбүл ыстаабыгар (Курашов уул., 24-с дьиэ, 405 хос) уонна баартыйа эрэгийиэннээҕи приемнайыгар (701 хос) аҕалан туттарыаххытын сөп.