Саха сирин соҕуруу өттүгэр АЗС сапыраапка туһунан

СӨ Бырабыыталыстыбатын Бэрэссэдээтэлэ Кирилл Бычков сорудаҕынан, от ыйын 18 күнүттэн «Саханефтегазсбыт» АУо «Томмот нефтебаазата» филиалын АЗС-гар уматыгы биэрии сууккатааҕы лимиитэ үрдээтэ.

Бу туһунан СӨ гражданскай көмүскэлин уонна нэһилиэнньэ олоҕор-дьаһаҕар куттал суох буолуутун хааччыйыы миниистирэ Дмитрий Лепчиков иһитиннэрдэ.

—Алдан уонна Нерюнгри оройуоннарын хааччыйар Томмот нефтебаазатын нөҥүө сууккатааҕы кээмэйи улаатыннарар туһунан быһаарыы ылылынна. АИ-95 бэнсииҥҥэ лимиит сууккаҕа 20-тэн 27 туоннаҕа диэри, дизтопливо сууккаҕа 34-тэн 45 туоннаҕа диэри үрдээтэ. АИ-92 бэнсиин лимиитэ сууккаҕа 9 туонна таһымҥа оннунан хаалла, — диэн Дмитрий Лепчиков иһитиннэрдэ.

Миниистир маны сэргэ өрөспүүбүлүкэҕэ сүөһү аһылыгын бэлэмниир хампаанньаны ыытарга тыа хаһаайыстыбатын табаарын оҥорон таһаарааччыларга дизельнэй уматыгы биэрии салҕанан бара турарын иһитиннэрдэ.

Сиһилии: https://www.sakha.gov.ru/news/57065

СӨ Ил Дарханын уонна Бырабыыталыстыбатын пресс-сулууспата

Андрей Сорокин хаартыскаҕа түһэриитэ