Саха сирин тутааччыларын искибиэрин тутуута саҕаланна

Балаҕан ыйын 27 күнүгэр ХИФУ устудьуоннарын куоратыгар биир суолталаах түгэн буолан ааста — манна Саха сирин тутааччыларын искибиэрин тутан саҕалаатылар.

Саҥа уопсастыбаннай сынньалаҥ сирэ ХИФУ Техническэй факультеттарын куорпуһун таһыгар баар буолуоҕа. Билигин манна тутуу эйгэтин исписэлиистэрэ үөрэнэллэр. Бу искибиэр устудьуоннар, үөрэҕи бүтэрбиттэр, тутуу эйгэтин бэтэрээннэрэ уонна куорат олохтоохторо көрсүһэр сөбүлүүр сирдэригэр кубулуйуоҕа.

Бырайыак бэлиэ саҕаланыытынан аллеяны олохтооһун буолла: тэрээһин кыттыылаахтара 30 эдэр маһы — тымныыны тулуйар сибиирдээҕи дьаабылака уонна сыттаах черемуха мастарын олортулар.

Бу бырайыак Саха сирин тутуутун эйгэтин устуоруйатын үйэтитэр уонна бэтэрээннэртэн саҕалаан идэлэрин саҥа баһылаан эрэр эдэр дьоҥҥо тиийэ көлүөнэлэр ситимнэрин бөҕөргөтөр соруктаах диэн, ХИФУ пресс-сулууспата иһитиннэрэр.