“Саханефтегазсбыт” былаанын болдьоҕун иннинэ толордо

“Саханефтегазсбыт” АУо кыһыҥҥы суолунан ньиэп бородууктатын тиэйэн ыытыы былаанын болдьоҕун иннинэ толордо. Бу туһунан тэрилтэ генеральнай дириэктэрэ, норуот дьокутаата Виктор Лебедев иһитиннэрдэ.  

— Халлаан төһө да эмискэ сылыйдар, бүттүүн кэлэктиип уонна филиалларбыт сөптөөх үлэлэрин түмүгэр, кулун тутар 30 күнүнээҕи туругунан, биһиги кыһыҥҥы суолунун былааны болдьоҕун иннинэ толордубут. Барыта 22,1 тыһ. туоннаттан тахса ньиэп бородууктата тиэлиннэ, бу таһыы уопсай былаанын 100 % буолар.

Билиҥҥитэ өрөспүүбүлүкэ уустук суоллаах-иистээх уонна ыраах сытар нэһилиэнньэлээх пууннарыгар таараламмыт ньиэп бородууктатын таһыы салҕанар. Дьокуускайдааҕы ньиэп баазатын филиалыгар баар сүрүн кутар лииньийэ уонна филиалларга уматыгы таараларга кутуу мобильнай тэрилтэ суукканы эргиччи үлэлииллэр. Ону тэҥэ, тэрилтэ сайыҥҥы уу суолунан ньиэп бородууктатын тиэйиигэ бэлэмнэнии үлэтин саҕалаан эрэр.

Яна БАЙГОЖАЕВА, «Саханефтегазсбыт» АУо пресс-сэкирэтээрэ.