Сандал сааһы — субуотунньугунан

А.Е.Кулаковскай аатынан норуоттар доҕордоһууларын дьиэтин кэлэктиибэ ыам ыйын субуотунньугунан көрүстэ.

Ол курдук, кэлэктиип бу күннэргэ тэрээһин арааһын тэрийиинэн, ыытыынан эрэ муҥурдаммата. Бары тутуспутунан анаан-минээн тахсан үлэлиир дьиэбит-уоппут таһын ыраастаатыбыт, хомуйдубут, өрө тартыбыт.

Биир сомоҕо буолан бары көхтөөхтүк үлэлээтибит. Дьон-сэргэ сылдьарыгар, кэлэн сынньанарыгар, тэрилтэбит таһыгар сибиэһэй салгынынан дуоһуйа тыынарыгар анаан бэлэмнээтибит. Кыттыыны ылбыт дьоммутугар-сэргэбитигэр махтанабыт диэн А.Е.Кулаковскай аатынан норуоттар доҕордоһууларын дьиэтин пресс-сулууспата иһитиннэрэр.

Айталина Аргунова хаартыскаларга түһэриитэ