Сангаарга, Өлүөхүмэҕэ өрүс тырааныспарыгар субсидиялаах билиэттэр

Саха сирин өрүстэринэн айан-сырыы саҕаланна. Арктика субсидиятын курдук, өрүс тырааныспарынан айаннааччыларга эмиэ субсидия олохтоммут.

Ол курдук, “Дьокуускай-Сангаар”, Дьокуускай-Өлүөхүмэ”, Ленскэй-Өлүөхүмэ” туһаайыыларынан айаннааччыларга улахан дьоҥҥо уонна оҕолорго диэн тус-туһунан субсидия көрүллүбүт.

Субсидиянан бу улуустарга бырапыыскалаахтар туһанар бырааптаахтар эбит. Ону сэргэ субсидията суох – кэммиэрчэскэй диэн ааттанар билиэттэр эмиэ бааллар.

Мантан сайын үөрэххэ туттарса, эмтэнэ, сынньана барааччылар элбэхтик айанныыллара күүтүллэр.

Өлүөхүмэҕэ күн аайы айанныыр буоллаҕына, атын туһаайыыларга анал күннэргэ араспысаанньа оҥоһуллубут.