Сэттэ ойуур баһаара умуруорулунна

Ааспыт сууккаҕа өрөспүүбүлүкэҕэ уопсайа 5784,5 га иэннээх 7 ойуур баһаара, ол иһигэр Нерюнгри оройуонугар  3 127 гектардаах биир улахан баһаар умуруорулунна.

Бу туһунан бүгүн брифиҥҥэ СӨ экологияҕа, айылҕаны туһаныыга уонна ойуур хаһаайыстыбатыгар министиэристибитин иһинэн үлэлиир ойууру харыстааһыҥҥа департаменын салайааччыта Николай Никитин иһитиннэрдэ.

Авиационнай, аллараанан уонна  космическай кэтээн көрүү түмүгэр, ааспыт сууккаҕа  4 саҥа ойуур баһаара Эдьигээн, Кэбээйи оройуоннарыгар уонна Дьокуускай куоракка булулунна.

Бүгүн сарсыардатааҕы туругунан өрөспүүбүлүкэҕэ уопсайа 12 869,5 га иэннээх 51 ойуур баһаара Хаҥалас, Эдьигээн, Таатта, Орто Халыма, Булуҥ, Кэбээйи, Мииринэй, Өлөөн, Өймөкөөн, Томпо, Эбээн-Бытантай, Нерюнгри улуустарыгар баар.

Хаҥалас, Эдьигээн, Таатта, Орто Халыма, Мииринэй, Эбээн-Бытантай улуустарыгар 8 ойуур баһаарын умуруорууга үлэ салҕанар. 16,5 га иэннээх 2 ойуур баһаара Хаҥаласка уонна Эбээн Бытантайга бохсулунна.

Ойуур баһаардарын утары охсуһууга 240 киһи уонна  2 тиэхиньикэ үлэлиир.

Сиһилии: https://www.sakha.gov.ru/news/55444