Сиргэ G1 таһымнаах магнитнай буурҕа саҕаланна

Түүн Сиргэ магнитнай буурҕа саҕаламмыта бэлиэтэннэ — геомагнитнай индекс кыраапыктара кыһыл өҥүнэн көрүлүннүлэр. Бу туһунан РФ НА Космоһы чинчийэр институтун (ИКИ РАН) Күн астрономиятын лабораторията иһитиннэрэр.

Иһитиннэриигэ этиллэринэн, буурҕа G1 диэн саамай кыра таһымҥа тэҥнэһэр уонна от ыйыгар иккис эрэ түбэлтэнэн буолар. Маҥнайгы, ордук күүстээх хамсааһын (G3 таһымнаах) от ыйын 4 күнүгэр буола сылдьыбыта.

Исписэлиистэр эбэн эппиттэринэн, быйыл  сайын геомагнитнай хамсааһыннарынан оннук бэркэ биллэ илик. Сайын бастакы икки ыйын иһигэр, бүгүҥҥү түбэлтэни киллэрэн туран, уопсайа биэс эрэ магнитнай буурҕа бэлиэтэммит.

Сэрэтии: Магнитнай буурҕа кэмигэр хаан баттааһына үрдүүр уонна күн-дьыл уларыйарытыттан тутулуктанар дьон харыстана сылдьаллара ордук.