Социальнай ситимнэргэ таһаарыллыбат чахчылар

РФ Ис дьыалаҕа министэристибэтэ иһитиннэрэринэн,  Арассыыйа олохтоохторо социальнай ситимнэргэ бэйэлэрин уонна чугас дьоннорун туһунан сиһилии иһитиннэриэ суохтаахтар.

Ол эбэтэр, үөрэнэр уонна үлэлиир сиргин, олорор аадырыскын социальнай ситимнэргэ таһаарыа суохтааххын. Ону таһынан дьиэ кэргэниҥ уонна  чугас дьонуҥ туһунан сибидиэнньэлэри кистэлгэ тутуллуохтаах.

Министиэристибэҕэ быһаарбыттарынан,  буруйу оҥорооччулар социальнай ситимнэргэ тахсар иһитиннэриилэри туһанан, сиэртибэ мэтириэтин оҥорон таһаараллар. Ону таһынан  аһаҕас кэпсэтиилэргэ уонна чаттарга  билбэт дьоҥҥут эһиги тускутунан ыйытыыларыгар хоруйдаабаккытыгар уонна санааҕытын үллэстибэккитигэр ыҥыраллар.

Полиция кэпсэтээччи профилын, аккаунын регистрациялаабыт сирин уонна күнүн-дьылын бэрэбиэркэлииргэ сүбэлииллэр.

Өссө билбэт дьоҥҥутуттун кэлэр ыйытыыларга  хоруйдаабаккытыгар  уонна “хара испииһэк” диэн функцияны холбоноргутугар, уорбалааһын баарын туһунан социальнай ситимнэр модератордарыгар иһитиннэрэргитигэр ыҥыраллар.