Соҕотох олорор биэнсийэлээхтэргэ ОДьКХ өҥөтүн сыаната үрдүөҕэ

Ыам ыйыттан соҕотох олорор биэнсийэлээхтэр олорор дьиэ уонна хомунаалынай хаһаайыстыба өҥөтүн кибитээнсийэлэригэр төлөбүр суумалара үрдээбитин бэлиэтиэхтэрин сөп.

Атын үгүс төлөбүрдэртэн уратыта диэн, ититии, дьиэни көрүү-истии уонна хапытаалынай өрөмүөн төлөбүрдэрэ дьиэҕэ хас киһи олороруттан буолбакка, кыбартыыра иэниттэн тутулуктаахтар. Ол иһин аҕам саастаах киһи оннук иэннээх дьиэҕэ олорор толору ыал төлүүрүн кытта биир тэҥи төлүүрүгэр тиийэр.

Маныаха, өскөтүн олорор дьиэ иэнэ «нуорматтан улахан» диэн ааҕылыннаҕына, субсидияны кыччатыахтарын сөп, оттон нуорманы таһынан туһаныллыбыт ресурсалар иһин судаарыстыба көмөтө суох бэйэ төлүүрүгэр тиийэр. Харчы ыгым кэмигэр, материальнай көмө кимиэхэ бэриллиэхтээҕин эрдэттэн билсэргэ уонна чуолкайдыырга эспиэрдэр сүбэлииллэр.

Сорох эрэгийиэннэргэ бөҕү таһаарыы төлөбүрэ дьиэҕэ пропискалаах дьон ахсааныттан тутулуктаах. Чэпчэтиилэр  сорох эрэ чаастарын сабаллар, оттон нуорматтан таһынан барытын (улахан иэннээх дьиэ, үрдүк тарыыптар, ууну счетчига суох туһаныы түмүгэр элбэҕи төлөөһүн) биэнсийэлээх бэйэтэ төлүүр. Бу туһунан «Бриф24» таһаарыы иһитиннэрэр.

Юристар счетчиктар баалларын, олорор дьон туһунан дааннайдар сөптөөхтөрүн уонна, өскөтүн дохуоттан хомунаалынай төлөбүрдэр өлүүлэрэ эрэгийиэннээҕи нуорманы куоһарар буоллаҕына, субсидияны оҥорторорго сүбэлииллэр.