Сунтаарга Доруобуйа киинэ үлэлиир

Саха сиригэр 8 Доруобуйа киинэ үлэлиир. Онтон биирдэстэрэ Сунтаарга баар.

Олунньу ыйга уруккута дьахтар төрүүр дьиэтин аҥаарыгар Доруобуйа киинэ аһыллыбыта. Манна хас биирдии киһи доруобуйатын көрдөрөр кыахтаах.

Бастаан направление ылаҕын  онтон көрдөрүнэр хоско киирэҕин. Онно эйигин дабылыанньаҕын, хараххын, ыйааһыҥҥын, аһылыгыҥ рационун көрөллөр, ЭКГ түһэрэллэр. Ол кэннэ хаан анаалыһын  ылбыттарын кэннэ,  бырааска көрдөрүнэҕин.

Бу кииҥҥэ диспансеризация бараҕын, мэдиссиинискэй ыспыраапка  арааһын толоттороҕун. Уйулҕаны эмтиир психолог кытта баар.

Бу күннэргэ бэйэлэрин үлэһиттэригэр эмиэ тустаах үлэ ыыталлар, үлэттэн салгыбаттарын туһугар уйулҕа дьарыга тэриллэр.

Доруобуйа киинин сыала диэн хроническай ыарыыларга тириэрдибэт туһуттан профилактика үлэтэ.  Уһун, көхтөөх олохтонорго сүбэ-соргу биэрэллэрэ бэртээхэй. Бэс ыйыгар өссө араас аныгы тэрил кэлэрэ күүтүллэр.

Киин КамАЗ массыынатынан өссө  сайаапканан тэрилтэлэргэ, нэһилиэктэргэ доруобуйа көрүүтүн тэрийэллэр.

ТУСКУЛААНА ГОРОХОВА-КОБЕЛЬЯНОВА