Сунтаарга — «Көҥүл микрофон»

Былырыыҥҥыттан Сунтаарга  сайыммытын «Көҥүл микрофон» киэргэтэр.

Айылтаана Егорова, Айсен Федоров уонна «Партизан» култуура киинэ кыттыһан гитара, ырыа киэһэлэрин тэрийэллэрэ үгэскэ кубулуйда. Манна баҕалаах кэлэн тыынын таһааран ыллаан, гитаралаан астыналлар. Бу күннэргэ  бэл Кэмпэндээйиттэн тиийэ кэлэн ыллаан, Бүлүүттэн ыалдьыт тэрээһин бэртээхэйин үллэстэн бардылар. Киэһэ 20-тан 23 чааска  диэри Бүлүү эбэ кытылыгар Ленин болуоссатыгар көҥүл микрофон тохтообокко ыллаан сайыҥҥы астык күн ааста.

Тускулаана ГОРОХОВА-КОБЕЛЬЯНОВА