Сунтаарга  саҥа паром кэллэ

Тыа хаһаайыстыбатын министиэристибэтин бырагырааматынан уонна Сунтаар улууһун сакааһынан, Жатайдааҕы судоверфь маастардара  саҥа устар аалы хаачыстыбалаахтык оҥорон таһаардылар.

Саҥа паром уһуна 19 миэтэрэ 20 сантиметр, кэтитэ 6 миэтэрэ. Кини 50 туоннаҕа диэри ыйааһыннаах таһаҕаһы тиэйэр кыамталаах.

Саха сиригэр аан бастакытын оҥоһуллубут саҥа паром кэлиитэ улуус олохтоохторугар уонна тыа сирин үлэһит дьонугар өр күүтүллүбүт үөрүүлээх түгэнинэн буолар. Дьокуускайтан баржанан 24 хонук устата айаннаан кэллэ.

Паром кэлэр сезонтан тыа хаһаайыстыбатын үлэтигэр күүскэ туһаныллыаҕа. Ол суотугар анал техниканы, тыа хаһаайыстыбатын үлэһиттэрин уонна бэлэмнэммит сүөһү аһылыгын кэмигэр, түргэнник таһар кыах үрдээтэ диэн Сунтаар улууһун дьаһалтатын пресс-сулууспата иһитиннэрдэ.