Суол саахала, үс холуобунай буруйу оҥоруу, итирик туруктаах суоппардар…

СӨ Борокуратуура иһитиннэрэринэн, Нерюнгри улууһугар «Toyota Land Cruiser» уонна «Suzuki Jimny» массыыналар харсыспыттар. Саахал түмүгэр «Suzuki» суоппара эчэйэн, балыыһаҕа киирбит.

Маны таһынан, ааспыт сууккаҕа өрөспүүбүлүкэ үрдүнэн үс холуобунай буруйу оҥоруу тахсыбыта бэлиэтэннэ.

Ол курдук, Дьокуускай куоракка итирик туруктаах уруулга иккиһин олорбут суоппар тутулунна.

Оттон Нам улууһугар анал бэлиэтэ суох электроннай тэриллэри уонна убаҕастары (вейптэри, электроннай табахтары) уура сыппыт уонна атыылаабыт икки киһиэхэ РФ Холуобунай кодексатын 171.1 ыстатыйатынан холуобунай дьыала тэрилиннэ.

Ону тэҥэ, өрөспүүбүлүкэ суолларыгар суукка устата итирик туруктаах массыынаны ыытан испит уопсайа аҕыс суоппар тутулунна.

Бары ыытыллар процессуальнай бэрэбиэркэлэр уонна силиэстийэлиир үлэлэр борокуратуура кытаанах хонтуруолугар тураллар.